તૃણમૂલ કોંગ્રેસના ભૂતપૂર્વ સાંસદ મીમી ચક્રવર્તી સોમવારે ઈડી સમક્ષ હાજર થયા. અધિકારીઓએ જણાવ્યું હતું કે કથિત ગેરકાયદેસર સટ્ટાબાજી એપ સંબંધિત મની લોન્ડરિંગ કેસમાં મીમીની પૂછપરછ કરવામાં આવી હતી. નામની ગેરકાયદેસર સટ્ટાબાજી એપ્લીકેશન સાથે સંબંધિત કેસમાં ૩૬ વર્ષીય મીમીનું નિવેદન પ્રિવેન્શન ઓફ મની લોન્ડરિંગ એક્ટ હેઠળ નોંધવામાં આવ્યું હતું. ભૂતપૂર્વ સાંસદ અને અભિનેત્રી કેટલીક જાહેરાતો અને નાણાકીય વ્યવહારો દ્વારા આ એપ્લીકેશન સાથે સંકળાયેલી હોવાનું માનવામાં આવે છે. પૂછપરછ દરમિયાન એન્ફોર્સમેન્ટ ડિરેક્ટોરેટ (ઈડી) આ એપ્લીકેશન સાથેના તેમના સંબંધોને સમજવા માંગે છે.
એજન્સી ગેરકાયદેસર સટ્ટાબાજી એપ્લીકેશનો સાથે સંબંધિત ઘણા કેસોની તપાસ કરી રહી છે, જેના પર ઘણા લોકો અને રોકાણકારોને કરોડો રૂપિયાની છેતરપિંડી કરવાનો અથવા મોટી રકમનો કરચોરી કરવાનો આરોપ છે. ફેડરલ તપાસ એજન્સી આ કેસમાં ભૂતપૂર્વ ક્રિકેટર સુરેશ રૈના અને શિખર ધવનની પૂછપરછ કરી ચૂકી છે. અભિનેત્રી ઉર્વશી રૌતેલા (૩૧) ને મંગળવારે આ કેસમાં જુબાની આપવા માટે ઈડ્ઢ દ્વારા કહેવામાં આવ્યું છે. રૌતેલા ભારતીય રાજદૂત છે. જાહેરાત કંપની અનુસાર, એક વૈશ્વીક સ્તરે માન્યતા પ્રાપ્ત બુકમેકર છે, જે ૧૮ વર્ષથી સટ્ટાબાજી ઉદ્યોગમાં કાર્યરત છે. બ્રાન્ડના ગ્રાહકો હજારો રમતગમતની ઇવેન્ટ્સ પર સટ્ટો લગાવી શકે છે. કંપનીની વેબસાઇટ અને એપ ૭૦ ભાષાઓમાં ઉપલબ્ધ છે.
આગામી દિવસોમાં તપાસ એજન્સી દ્વારા વધુ ખેલાડીઓ અને સેલિબ્રિટીઓની પૂછપરછ થવાની ધારણા છે. કેન્દ્ર સરકારે તાજેતરમાં વાસ્તવિક પૈસાના ઓનલાઈન ગેમિંગ પર પ્રતિબંધ મૂકતો કાયદો લાવ્યો છે.
બજાર વિશ્લેષણ કંપનીઓ અને તપાસ એજન્સીઓના અંદાજ મુજબ, આવી વિવિધ ઓનલાઈન સટ્ટાબાજી એપ્સના લગભગ ૨૨૦ મિલિયન ભારતીય વપરાશકર્તાઓ છે, જેમાંથી અડધા (લગભગ ૧૧૦ મિલિયન) નિયમિત વપરાશકર્તાઓ છે. નિષ્ણાતોના મતે, ભારતમાં ઓનલાઈન સટ્ટાબાજી એપ માર્કેટનું મૂલ્ય ૧૦૦ બિલિયનથી વધુ છે અને તે ૩૦ ટકાના દરે વધી રહ્યું છે. સરકારે તાજેતરમાં સંસદમાં જણાવ્યું હતું કે તેણે ૨૦૨૨ થી જૂન ૨૦૨૫ સુધી ઓનલાઈન સટ્ટાબાજી અને જુગાર પ્લેટફોર્મ પર પ્રતિબંધ મૂકવા માટે ૧,૫૨૪ આદેશો જારી કર્યા છે.
