પશ્ચિમ એશિયામાં એક મહિનાથી વધુ સમયથી ચાલી રહેલા સંઘર્ષની પરિÂસ્થતિ વિસ્ફોટક અને બેકાબૂ બની ગઈ છે. ઈઝરાયેલ અને અમેરિકા વચ્ચે ઈરાન સાથેનો ભીષણ મુકાબલો હવે તેના ૩૫મા દિવસમાં પ્રવેશી ગયો છે, અને પરિ સ્થિતિ વધુ ખતરનાક બની ગઈ છે. મિસાઈલોના વરસાદ અને સતત વિસ્ફોટોએ વિનાશનું દ્રશ્ય સર્જ્યું છે. આ યુદ્ધ હવે સરહદો વટાવી ગયું છે અને વૈશ્વક ખતરો બની ગયું છે, જ્યાં દરેક પસાર થતી ક્ષણ સાથે વિનાશ અને અનિશ્ચિતતાનો પડછાયો વધુ ઊંડો થતો જાય છે. ઈરાની રિવોલ્યુશનરી ગાર્ડ્સ કોર્પ્સ એ નવા હુમલાઓ દ્વારા તેલ અવીવ અને ઈલાતમાં ઇઝરાયલી દળો અને લશ્કરી ઔદ્યોગિક કંપનીઓને ભારે નુકસાન પહોંચાડવાનો દાવો કર્યો છે.આઇઆરજીસીએ કહ્યું કે આ હવાઈ હુમલાઓમાં ઇઝરાયલી સ્થાપનો અને સાધનોનો નાશ કરવામાં આવ્યો છે. ઇઝરાયલે હજુ સુધી આ દાવાની સત્તાવાર પુષ્ટિ કરી નથી, પરંતુ આ વિસ્તારમાં સુરક્ષા ચેતવણીઓ અને મિસાઇલ વિરોધી સિસ્ટમ સક્રિય છે. આ હુમલાઓ ઈરાન અને ઇઝરાયલ વચ્ચે વધતા તણાવ વચ્ચે થયા છે.
ઈઝરાયલી સૈન્યએ જણાવ્યું છે કે ઈરાને ઈઝરાયલ તરફ મિસાઈલોનો નવો દોર છોડ્યો છે, અને દેશના અનેક વિસ્તારોમાં હવાઈ સંરક્ષણ ચેતવણી જારી કરવામાં આવી છે. ઈઝરાયલી દળોએ એક નિવેદનમાં જણાવ્યું છે કે તેમની હવાઈ સંરક્ષણ પ્રણાલીઓ આ મિસાઈલોને શોધી કાઢવા અને અટકાવવાનો પ્રયાસ કરી રહી છે. ઈઝરાયલના હોમ ફ્રન્ટ કમાન્ડે જેરુસલેમ અને તેલ અવીવ વિસ્તારોમાં ચેતવણીના સાયરન પણ વગાડ્યા છે.
ઈરાને દાવો કર્યો છે કે ૨૮ ફેબ્રુઆરીથી ચાલી રહેલા હુમલાઓમાં દેશના શિક્ષણ ક્ષેત્રને નોંધપાત્ર નુકસાન થયું છે. ઈરાની વિદેશ મંત્રાલયના જણાવ્યા અનુસાર, યુએસ અને ઇઝરાયલી હુમલાઓમાં અત્યાર સુધીમાં ૬૦૦ થી વધુ શાળાઓ અને શૈક્ષણિક સંસ્થાઓને અસર થઈ છે. ઈરાની અધિકારીઓનું કહેવું છે કે આ હુમલાઓમાં શાળાની ઇમારતોનો નાશ થયો છે અથવા નુકસાન થયું છે, જેના કારણે બાળકોના શિક્ષણ પર ગંભીર અસર પડી છે. વિદ્યાર્થીઓ અને શિક્ષકોમાં પણ જાનહાનિના અહેવાલો આવ્યા છે. આ ઘટનાક્રમ બાદ, ઈરાને આંતરરાષ્ટીય સમુદાયને આ મુદ્દા પર ધ્યાન આપવાની અને પગલાં લેવાની માંગ કરી છે. ચાલુ હુમલાઓ દેશની શિક્ષણ પ્રણાલી પર પણ ગંભીર અસર કરી રહ્યા છે.
