પશ્ચિમ બંગાળમાં માલદા કેસ પર સુપ્રીમ કોર્ટની ટિપ્પણી બાદ, ચૂંટણી પંચે એનઆઇએ તપાસનો આદેશ આપ્યો. ચૂંટણી પંચનો આદેશ મળતાં, એનઆઇએએ તેની તપાસ શરૂ કરી.એનઆઇએ ટીમે પ્રારંભિક તપાસ શરૂ કરી છે અને મુખ્ય કાવતરાખોર સહિત ૩૫ લોકોની ધરપકડ કરી છે. એનઆઇએ હવે માલદા હિંસા કેસની તપાસ કરી રહી છે. એક મોટી કાર્યવાહીમાં, બંગાળ પોલીસે આઇએસએફ ઉમેદવાર શાહજહાં અલી સહિત ૩૫ લોકોની ધરપકડ કરી છે. મમતા બેનર્જીએ પણ આ મામલે એક નિવેદન બહાર પાડીને તેને બંગાળને બદનામ કરવાનું કાવતરું ગણાવ્યું છે.
ઉત્તર બંગાળના એડીજી જયરામને કહ્યું, “અમે લોકોને ઉશ્કેરવાના આરોપસર બાગડોગરા એરપોર્ટ પરથી મોફકરુલ ઇસ્લામની અટકાયત કરી છે. અમે આવી કોઈ પ્રવૃત્તિને મંજૂરી આપતા નથી. અમે ચોક્કસપણે તપાસ કરીશું કે આ પૂર્વયોજિત હતું કે નહીં. આ ઘટના બાદ, અમે ન્યાયિક અધિકારીઓને સીએપીએફ સુરક્ષા પૂરી પાડી છે. અત્યાર સુધીમાં ૩૫ લોકોની ધરપકડ કરવામાં આવી છે. તેમણે કહ્યું, “વકીલ મોફકરુલ ઇસ્લામ મુર્શિદાબાદમાં કાલિયાચોક કેસમાં મુખ્ય કાવતરાખોર છે.” પશ્ચિમ બંગાળ પોલીસે બાગડોગરા એરપોર્ટ પર તેની ધરપકડ કરી જ્યારે તે ભાગી જવાનો પ્રયાસ કરી રહ્યો હતો.”
તેની ધરપકડ પછી, ઇસ્લામે કહ્યું, “હું ત્યાં મુસ્લિમ વ્ઓયક્નાતિ વિરોધ પ્રદર્શનને સમર્થન આપવા ગયો હતો જેમના નામ ડી વોટર બનાવવામાં આવ્યા છે અથવા એસઆઇઆર નામથી કાઢી નાખવામાં આવ્યા છે. મેં આ વિરોધ પ્રદર્શનમાં ભાગ લીધો ન હતો. હું કોલકાતાથી અલીપુરદુઆર જઈ રહ્યો હતો, આ વિરોધ પ્રદર્શન પાસેથી પસાર થઈ રહ્યો હતો. મેં ત્યાં ભાષણ આપ્યું. મારા કારણે કોઈ ન્યાયાધીશને રોકવામાં આવ્યો ન હતો. હું રાષ્ટÙીય ધોરીમાર્ગ પર મુસાફરી કરી રહ્યો હતો, અને આ ઘટના મોથાબારીમાં બની. તેથી જ મને બાગડોગરા એરપોર્ટ પર ધરપકડ કરવામાં આવી. હું એક કામ માટે જઈ રહ્યો હતો. હું અહીંથી બાગડોગરા પોલીસ સ્ટેશન જઈશ, અને પછી મને કદાચ માલદા લઈ જવામાં આવશે. હું થોડા દિવસો તમારી સાથે નહીં રહું. સ્વસ્થ રહો. અને આ ચૂંટણીમાં તમારું નામ સામેલ કરવા માટે જે પણ જરૂરી હોય તે કરો.”
બુધવારે, માલદાના કાલિયાચકમાં સાત ન્યાયિક અધિકારીઓને બંધક બનાવવામાં આવ્યા હતા અને તોફાનીઓએ લગભગ આઠ કલાક સુધી બંધક બનાવ્યા હતા, જેના કારણે સુપ્રીમ કોર્ટને હસ્તક્ષેપ કરવાની ફરજ પડી હતી. સુપ્રીમ કોર્ટના હસ્તક્ષેપ બાદ, કોલકાતા હાઈકોર્ટના મુખ્ય ન્યાયાધીશે બંગાળના પોલીસ મહાનિર્દેશક સાથે વાત કરી હતી, અને તે પછી જ પોલીસે ત્યાં પહોંચીને બંધકોને બચાવ્યા હતા.
ગઈકાલે સુપ્રીમ કોર્ટમાં સુનાવણી દરમિયાન ભારતના મુખ્ય ન્યાયાધીશે પોતે આ વાતનો ખુલાસો કર્યો હતો. મુખ્ય ન્યાયાધીશે આ ઘટનાને ઇરાદાપૂર્વકનું કાવતરું ગણાવ્યું હતું અને કહ્યું હતું કે બંગાળમાં કાયદો અને વ્યવસ્થા નથી. તેમણે એમ પણ કહ્યું હતું કે ચૂંટણી પંચ, જા ઇચ્છે તો, સીબીઆઈ અથવા એનઆઈએને આ મામલાની તપાસ કરાવી શકે છે. આ પછી, મુખ્ય ચૂંટણી કમિશનર જ્ઞાનેશ કુમારે એનઆઈએ તપાસનો આદેશ આપ્યો હતો.