કમલા હેરિસે એક નિવેદનમાં કહ્યું છે કે તેમનો રાષ્ટ્રીપતિનો કાર્યકાળ બિડેન સરકાર જેવો નહીં હોય અને તેનાથી અલગ હશે. કમલા હેરિસે કહ્યું કે તે પોતાનો રસ્તો જાતે બનાવશે. બુધવારે એક ન્યૂઝ ચેનલને આપેલા ઈન્ટરવ્યુમાં કમલા હેરિસે ઈમિગ્રેશન સહિત વિવિધ મુદ્દાઓ પર ચર્ચા કરી હતી. ઈન્ટરવ્યુ દરમિયાન એન્કરે કમલા હેરિસને અગાઉના નિવેદનની યાદ અપાવી હતી, જેમાં કમલા હેરિસે કહ્યું હતું કે તે બિડેનથી અલગ થવાનું વિચારી પણ શકતી નથી.
કમલા હેરિસે આનો તદ્દન અલગ જવાબ આપ્યો. હેરિસે કહ્યું કે મારો રાષ્ટ્રપતિનો કાર્યકાળ જા બિડેનની સરકાર જેવો નહીં હોય. હું મારા જીવનનો અનુભવ, મારો વ્યાવસાયિક અનુભવ અને નવા વિચારોને વહીવટમાં લાવીશ. હું નવી પેઢીના નેતૃત્વનું પ્રતિનિધિત્વ કરું છું. કમલા હેરિસે જુલાઈમાં જ રાષ્ટ્રપતિ પદની ઉમેદવારી રજૂ કરી હતી, જ્યારે જા બિડેને પોતાનું નામ પાછું ખેંચ્યું હતું.
ઇન્ટરવ્યુ દરમિયાન કમલા હેરિસે ડોનાલ્ડ ટ્રમ્પ પર આકરા પ્રહારો કર્યા હતા અને તેમને અસ્થિર કહ્યા હતા. કમલા હેરિસે ૭૮ વર્ષીય પૂર્વ રાષ્ટ્રીપતિની યોગ્યતા પર પણ સવાલ ઉઠાવ્યા હતા. ટ્રમ્પે હાલમાં જ દેશના આંતરિક દુશ્મનો સામે સેનાનો ઉપયોગ કરવાની વાત કરી હતી. હેરિસે ટ્રમ્પના નિવેદન પર જારદાર પ્રહાર કરતા કહ્યું કે ‘તે અમેરિકન લોકો પર સેના થોપવાની વાત કરી રહ્યા છે. જે લોકો શાંતિપૂર્વક વિરોધ કરી રહ્યા છે તેમની વિરુદ્ધ તે વાત કરી રહ્યો છે. તેઓ લોકોને જેલમાં નાખવાની વાત કરી રહ્યા છે કારણ કે લોકો તેમની સાથે અસંમત છે. તે અસ્થિર છે અને આપણે બધાએ તેની ચિંતા કરવી જાઈએ.
અમેરિકામાં પ્રમુખપદની ચૂંટણીને હવે ગણતરીના દિવસો જ બાકી રહ્યા છે, પરંતુ હજુ પણ કમલા હેરિસ અને ડોનાલ્ડ ટ્રમ્પ વચ્ચે જબરદસ્ત ટક્કર છે. વિવિધ સર્વેક્ષણોમાં કમલા હેરિસની આગેવાની છે, પરંતુ બંને નેતાઓની લોકપ્રિયતામાં બહુ ફરક નથી. આ જ કારણ છે કે કમલા હેરિસે આ ઈન્ટરવ્યુ દ્વારા વિવિધ મુદ્દાઓ પર પોતાના વિચારો વ્યક્ત કર્યા. કમલા હેરિસે જે મીડિયા ચેનલને ઈન્ટરવ્યુ આપ્યો તે જમણેરી માનવામાં આવે છે અને તે રિપબ્લિકન પાર્ટીની નજીક દેખાય છે. આવી સ્થિતિમાં કમલા હેરિસના આ ઈન્ટરવ્યુને એક જુગાર માનવામાં આવી રહ્યો હતો કારણ કે જા કમલા હેરિસ ઈન્ટરવ્યુમાં નબળી પડી હોત તો કદાચ તેમને નુકસાન વેઠવું પડત. કમલા હેરિસે આ
ઈન્ટરવ્યુ દ્વારા મતદારોને રીઝવવાનો પૂરો પ્રયાસ કર્યો હતો.
