બોલીવુડ અભિનેત્રી સોનમ કપૂરે બીજી વખત એક બાળકનું સ્વાગત કર્યું છે, તેણે રવિવારે એક પુત્રને જન્મ આપ્યો છે. સોનમ કપૂર હવે તેના બીજા પુત્રની માતા બની છે. સોનમે ઇન્સ્ટાગ્રામ પર એક પોસ્ટ શેર કરીને ચાહકો સાથે ખુશખબર શેર કરી. કરીના કપૂરથી પરિણીતી ચોપરા સુધી, બધાએ તેને અભિનંદન આપ્યા. રવિવારે, સોનમે ઇન્સ્ટાગ્રામ પર એક સુંદર ચિત્ર સાથેનું જાહેરાત કાર્ડ પોસ્ટ કર્યું. આ તસવીરમાં એક મહિલા કુદરતની વચ્ચે બેઠી છે, જે હરણ, પક્ષીઓ અને મોર જેવા પ્રાણીઓથી ઘેરાયેલી છે, તેમજ નાજુક ફૂલોની રચનાઓ અને પૃષ્ઠભૂમિમાં એક સ્વપ્નશીલ લેન્ડસ્કેપ છે. ચિત્ર સાથે, કાર્ડ પર લખ્યું છે, “અમર્યાદ કૃતજ્ઞતા અને પ્રેમથી ભરેલા હૃદય સાથે, અમે ૨૯ માર્ચ, ૨૦૨૬ ના રોજ અમારા પુત્રના આગમનની જાહેરાત કરતા ખૂબ જ ખુશ છીએ.” પોસ્ટમાં આગળ કહેવામાં આવ્યું છે, “અમારો પરિવાર મોટો થયો છે, અને તેના આગમનથી અમારા હૃદય ખૂબ જ સુંદર રીતે ભરાઈ ગયા છે. વાયુ તેના નાના ભાઈનું સ્વાગત કરીને ખૂબ જ ખુશ છે, અને અમે આ કિંમતી નવા જીવનથી અતિ ધન્ય અનુભવીએ છીએ જેણે અમારા ઘરને આનંદ અને કૃપાથી ભરી દીધું છે.”
એ નોંધનીય છે કે સોનમ કપૂરે બોલીવુડમાં ઘણી હિટ ફિલ્મો આપી છે. જા કે, છેલ્લા કેટલાક સમયથી, તે ખૂબ જ પસંદગીના પ્રોજેક્ટ્સ કરી રહી છે. સોનમના પિતા, અનિલ કપૂર, પણ એક સુપરસ્ટાર બોલીવુડ અભિનેતા છે. સોનમે ૨૦૧૮માં ઉદ્યોગપતિ આનંદ આહુજા સાથે લગ્ન કર્યા. લગ્નના ચાર વર્ષ પછી, ૨૦૨૨માં, સોનમે પોતાની ગર્ભાવસ્થાની જાહેરાત કરી. ૨૦ ઓગસ્ટ, ૨૦૨૨ના રોજ, સોનમે પોતાના પુત્ર વાયુનું સ્વાગત કર્યું. થોડા સમય પછી, સોનમે તાજેતરમાં જ પોતાની ગર્ભાવસ્થાની જાહેરાત કરી. હવે, સોનમ ફરી એકવાર માતા બની છે, તેના ઘરે બીજા પુત્રનો જન્મ થયો છે.
૨૦૧૫માં સોનમ કપૂર અને સલમાન ખાન તેમની ફિલ્મ પ્રેમ રતન ધન પાયોનું શૂટિંગ કરી રહ્યા હતા. આ સમય દરમિયાન, સોનમ આનંદ આહુજાને મળી. તેઓ મિત્રો બન્યા અને થોડા સમય માટે ગુપ્ત રીતે ડેટ કર્યા. લગભગ એક વર્ષ પછી, તેઓએ તેમના સંબંધની પુષ્ટિ કરી અને જાહેરમાં સાથે જાવા મળ્યા. તેઓએ લગભગ બે વર્ષ સુધી ખુલ્લેઆમ પોતાનો પ્રેમ વ્યક્ત કર્યો અને ૨૦૧૮માં લગ્ન કર્યા.
