મંગળવારે સતત બીજા સત્રમાં સ્થાનિક શેરબજાર વધારા સાથે બંધ થયું. સેન્સેક્સ ૧૭૩.૮૧ પોઈન્ટ અથવા ૦.૨૧% વધીને ૮૩,૪૫૦.૯૬ પર બંધ થયો હતો, જ્યારે નિફ્ટી ૫૦ ૪૨.૬૫ પોઈન્ટ અથવા ૦.૧૭% વધીને ૨૫,૭૨૫.૪૦ પર બંધ થયો હતો. આ વધારો મુખ્યત્વે બીએસઈ ૧૫૦ મિડકેપ ઈન્ડેક્સમાં ૦.૩૧% નો વધારો થવાને કારણે થયો હતો, જ્યારે બીએસઈ ૨૫૦ સ્મોલકેપ ઈન્ડેક્સમાં ૦.૮૬% નો ઉછાળો આવ્યો હતો. બજારને આઈટીસી, બીઈએલ અને ઈન્ફોસિસ જેવા કેટલાક મોટા શેરોએ પણ ટેકો આપ્યો હતો. તમને જણાવી દઈએ કે, ગયા સોમવારે સેન્સેક્સ ૬૫૦.૩૯ પોઈન્ટ વધીને ૮૩,૨૭૭.૧૫ પર બંધ થયો હતો, જ્યારે નિફ્ટી ૨૧૧.૬૫ પોઈન્ટ વધીને ૨૫,૬૮૨.૭૫ પર બંધ થયો હતો.
બીએસઇ લિસ્ટેડ કંપનીઓનું કુલ બજાર મૂડીકરણ પાછલા સત્રમાં આશરે ૪૬૮.૬ લાખ કરોડથી વધીને આશરે ૪૭૦ લાખ કરોડ થયું હોવાથી રોકાણકારોની સંપત્તિમાં ૧ લાખ કરોડથી વધુનો વધારો થયો છે.
આઇટીસી ભારત ઇલેક્ટ્રોનિક્સ લિમિટેડ, લાર્સન એન્ડ ટુબ્રો, ઇન્ફોસિસ, એશિયન પેઇન્ટ્સ, ટાઇટન, અદાણી પોર્ટ્સ,એચસીએલ ટેક્નોલોજીસ, સન ફાર્માસ્યુટિકલ્સ, મારુતિ સુઝુકી ઈન્ડિયા , ઇંડિગો , સ્ટેટ બેંક ઓફ ઈન્ડિયા અને ટેક મહિન્દ્રા સેન્સેક્સમાં મુખ્ય લાભકર્તા હતા.
બીજી બાજુ, એટરનલ, ટાટા સ્ટીલ, ટ્રેન્ટ, રિલાયન્સ ઇન્ડસ્ટ્રીઝ, મહિન્દ્રા એન્ડ મહિન્દ્રા, બજાજ ફિનસર્વ, એÂક્સસ બેંક, ભારતી એરટેલ, કોટક મહિન્દ્રા બેંક અને હિન્દુસ્તાન યુનિલિવર સેન્સેક્સમાં ઘટાડા સાથે બંધ થયા.
મંગળવારે રૂપિયો યુએસ ડોલર સામે ૫ પૈસા વધીને ૯૦.૬૯ (કામચલાઉ) પર બંધ થયો, જેને સ્થાનિક ઇÂક્વટી બજારમાં સકારાત્મક ભાવના અને વિદેશમાં ક્રૂડ ઓઇલના ભાવમાં ઘટાડો થવાને કારણે ટેકો મળ્યો. જાકે, વિદેશી ભંડોળના સતત પ્રવાહ અને મજબૂત અમેરિકન ચલણને કારણે ભારતીય ચલણ પર દબાણ આવ્યું, જેના કારણે તેના લાભને મર્યાદિત રાખવામાં આવ્યો, ફોરેક્સ વેપારીઓએ જણાવ્યું હતું.
આંતરબેંક વિદેશી વિનિમય બજારમાં, રૂપિયો યુએસ ડોલર સામે ૯૦.૭૨ પર ખુલ્યો અને એક કડક રેન્જમાં આગળ વધ્યો, ઇન્ટ્રાડે સોદામાં ૯૦.૬૪ ની ઊંચી સપાટી અને ૯૦.૭૮ ની નીચી સપાટીને સ્પર્શ્યાે. યુનિટે અંતે ગ્રીનબેક સામે ૯૦.૬૯ (કામચલાઉ) પર સત્ર બંધ કર્યું, જે તેના અગાઉના બંધ કરતા ૫ પૈસાનો વધારો દર્શાવે છે. સોમવારે, રૂપિયો યુએસ ડોલર સામે ૮ પૈસા ઘટીને ૯૦.૭૪ પર બંધ થયો હતો.
