સુરતમાં ૧૨ વર્ષના કિશોરને દીક્ષા આપવાનો મામલો કોર્ટમાં પહોંચ્યો ત્યારે કોર્ટે દીક્ષા પર સ્ટે લગાવ્યો છે. ઇન્દોરમાં રહેતા કિશોરના પિતાએ પોતાના વકીલ દ્વારા સુરત કોર્ટમાં પોતાના પુત્રને દીક્ષા આપવાનો ઇનકાર કરવા માટે અરજી કરી હતી. આજની સુનાવણી દરમિયાન, બાળકના બંને માતા-પિતા કોર્ટમાં હાજર થવા માટે પહોંચ્યા હતા. જાણવા મળ્યું છે કે ૧૨ વર્ષના પુત્રના માતા-પિતા અલગ રહે છે. પુત્ર તેની માતા સાથે રહે છે, જ્યારે પિતા ઇન્દોરમાં રહે છે.
સુરત કોર્ટમાં ૧૨ વર્ષના છોકરાને દીક્ષા લેતા રોકવા માટે અરજી દાખલ કરવામાં આવી છે. આ અરજી બાળકના પિતા દ્વારા દાખલ કરવામાં આવી છે. છોકરાના માતા-પિતાના લગ્ન ૨૦૦૮ માં થયા હતા, પરંતુ હાલમાં બંને અલગ રહે છે. દીક્ષા લેવા જઈ રહેલો છોકરો તેની માતા સાથે રહે છે, જ્યારે તેના પિતા ઇન્દોરમાં રહે છે.
૧૨ વર્ષના છોકરાનું દીક્ષા લેવાનું ડિજિટલ આમંત્રણ વાયરલ થયું હતું. આ પછી, ઇન્દોરમાં રહેતા તેના પિતાએ તેમના પુત્રની દીક્ષા રોકવા માટે વકીલ દ્વારા સુરત કોર્ટમાં અરજી દાખલ કરી હતી, જેની સુનાવણી સુરત કોર્ટમાં ચાલી રહી છે.
