બિહારમાં મતદાર યાદી સુધારણા પર ચાલી રહેલા વિવાદની સુનાવણી દરમિયાન ચૂંટણી પંચે ગુરુવારે સુપ્રીમ કોર્ટ સમક્ષ પોતાની દલીલો રજૂ કરી. દલીલો શરૂ કરતા, ચૂંટણી પંચે કોર્ટને જણાવ્યું કે તેની પાસે ચોક્કસ નિર્ણયો લેવા માટે પૂરતી શક્તિ છે. આ દરમિયાન, ચૂંટણી પંચે સુપ્રીમ કોર્ટમાં જિલ્લા સ્તરે મૃત, સ્થળાંતરિત અથવા સ્થાનાંતરિત મતદારોની યાદી શેર કરવા સંમતિ આપી. આ પછી, સુપ્રીમ કોર્ટે ચૂંટણી પંચને ૧૯ ઓગસ્ટ સુધીમાં મતદાર યાદીમાંથી દૂર કરાયેલા ૬૫ લાખ મતદારોની ઓળખ જાહેર કરવા કહ્યું. કોર્ટે ૨૨ ઓગસ્ટ સુધીમાં પાલન અહેવાલ માંગ્યો.
ચૂંટણી પંચે એમ પણ કહ્યું કે રાજકીય દ્વેષના વાતાવરણમાં કામ કરતી વખતે, ભાગ્યે જ કોઈ નિર્ણય એવો હોય છે જે વિવાદિત ન હોય. આપણે રાજકીય પક્ષો વચ્ચેના સંઘર્ષમાં ફસાઈએ છીએ. જા તેઓ જીતે છે તો ઈફસ્ સારું છે. જા તેઓ હારી જાય છે તો ઈફસ્ ખરાબ છે. બિહારમાં જીંઇ પર, ચૂંટણી પંચે કહ્યું કે એક અંદાજ મુજબ, બિહારમાં લગભગ ૬.૫ કરોડ લોકોને જીંઇ માટે કોઈ દસ્તાવેજા સબમિટ કરવાની જરૂર નથી.
સુનાવણી દરમિયાન, સુપ્રીમ કોર્ટે ચૂંટણી પંચને પૂછ્યું, ‘તમે મૃત્યુ પામેલા અથવા સ્થળાંતર કરનારા અથવા અન્ય મતવિસ્તારમાં સ્થળાંતર કરનારા લોકોના નામ કેમ નથી જણાવી શકતા?’ કોર્ટે એમ પણ કહ્યું કે તમે આ નામો ડિસ્પ્લે બોર્ડ અથવા વેબસાઇટ પર કેમ નથી મૂકી શકતા? આ સાથે, પીડિતો ૩૦ દિવસની અંદર સુધારાત્મક પગલાં લઈ શકે છે.ચૂંટણી પંચે સુપ્રીમ કોર્ટને જણાવ્યું હતું કે મૃત, વિસ્થાપિત અથવા સ્થાનાંતરિત લોકોના નામની યાદી રાજકીય પક્ષોના કાર્યકરોને આપવામાં આવી છે. આના પર કોર્ટે કહ્યું કે અમે નથી ઇચ્છતા કે નાગરિકોના અધિકારો રાજકીય પક્ષોના કાર્યકરો પર નિર્ભર રહે. ડિસ્પ્લે બોર્ડ અથવા વેબસાઇટ પર મૃત, વિસ્થાપિત અથવા સ્થાનાંતરિત મતદારોના નામ દર્શાવવાથી અજાણતા ભૂલો સુધારવાની તક મળશે. સુપ્રીમ કોર્ટે કહ્યું કે વેબસાઇટ્સ, સ્થળોની વિગતો માટે જાહેર નોટિસ જારી કરવાનું વિચાર કરો, જ્યાં ‘મૃત, વિસ્થાપિત અથવા સ્થાનાંતરિત’ લોકોની માહિતી શેર કરવામાં આવે છે.
