સુપ્રીમ કોર્ટે શુક્રવારે બાબરના નામવાળી કોઈપણ મસ્જિદ ના નિર્માણ અથવા નામકરણ પર પ્રતિબંધ મૂકવાની માંગ કરતી અરજીને ફગાવી દીધી. કોર્ટે એવી દલીલ પણ ફગાવી દીધી કે આવા બાંધકામો “ક્રૂર આક્રમણખોર”નું સન્માન કરે છે. શુક્રવારે ટૂંકી સુનાવણી બાદ સુપ્રીમ કોર્ટના ન્યાયાધીશ વિક્રમ નાથ અને સંદીપ મહેતાની બેન્ચે અરજી પર વિચાર કરવાનો ઇનકાર કર્યો હતો. અરજીમાં માંગ કરવામાં આવી હતી કે બાબર હિન્દુ વિરોધી આક્રમણકાર હતો અને હિન્દુઓની હત્યામાં સામેલ હતો. તેથી, તેના નામે કોઈ મસ્જિદ ન બનાવવી જાઈએ.
સુનાવણી દરમિયાન, અરજદારના વકીલે પશ્ચિમ બંગાળના મુર્શિદાબાદમાં બની રહેલી મસ્જિદ નો પણ ઉલ્લેખ કર્યો. કીલે કહ્યું કે બાબરના ક્રૂર હિન્દુ વિરોધી હુમલા છતાં, બાબરી મસ્જિદ ના નામે મુર્શિદાબાદમાં એક મસ્જિદ બનાવવામાં આવી રહી છે. બાબરના નામે મસ્જિદ ના નિર્માણ અંગેનો તાજેતરનો વિવાદ પશ્ચિમ બંગાળના મુર્શિદાબાદમાં શરૂ થયો હતો. ટીએમસીના ધારાસભ્ય તરીકે સેવા આપતા, હુમાયુ કબીરે મુર્શિદાબાદમાં બાબરી મસ્જિદ ના નિર્માણની જાહેરાત કરી હતી. અનેક હિન્દુ સંગઠનો અને મુસ્લિમ ધાર્મિક નેતાઓએ મસ્જિદ ના નામ સામે વાંધો ઉઠાવ્યો હતો. જાકે, વ્યાપક વિરોધને કારણે, તેમને ટીએમસીમાંથી સસ્પેન્ડ કરવામાં આવ્યા હતા.
ત્યારબાદ, હુમાયુ કબીરે એક નવો રાજકીય પક્ષ, જનતા ઉન્નયન પાર્ટીની રચના કરી. હાલમાં, હુમાયુ કબીર મુર્શિદાબાદમાં બાબરી મસ્જિદ નું નિર્માણ કરી રહ્યા છે. તેમણે ૬ ડિસેમ્બર, ૨૦૨૫ ના રોજ, અયોધ્યામાં વિવાદિત માળખાના ધ્વંસની વર્ષગાંઠના દિવસે,મસ્જિદ નો શિલાન્યાસ કર્યો હતો. હુમાયુ કબીરે જણાવ્યું હતું કે બાંધકામ ત્રણ વર્ષમાં પૂર્ણ થશે. આ માળખાનો ખર્ચ આશરે ?૫૫ કરોડ (આશરે ?૫૫૦ મિલિયન) થશે. મસ્જિદ નો દરવાજા ૧૪ મીટર ઊંચો હશે. તે ૫ મીટર પહોળો હશે. ફક્ત દરવાજાના બાંધકામનો અંદાજિત ખર્ચ આશરે ?૫ કરોડ થશે.
