તમિલનાડુના મુખ્યમંત્રી એમકે સ્ટાલિને કેન્દ્રની ભાજપ સરકાર પર રાજ્ય પ્રત્યે ઊંડો પક્ષપાતી હોવાનો આરોપ લગાવ્યો. તેમણે કહ્યું કે રાજ્યના નાણામંત્રી થંગમ થેન્નારાસુએ માત્ર નાણાકીય ભેદભાવ તરફ ધ્યાન દોર્યું નથી, પરંતુ લોકોના હૃદયમાં પણ ઘણા પ્રશ્નો ઉભા થઈ રહ્યા છે. મુખ્યમંત્રીએ કહ્યું, “હું પણ કેટલાક પ્રશ્નો પૂછવા માંગુ છું. ભ્રષ્ટાચારના કેસોમાં ફસાયેલા લોકો ભાજપ ગઠબંધનમાં જાડાતાની સાથે જ કેવી રીતે સ્વચ્છ થઈ જાય છે? આ કેવા પ્રકારની વોશિંગ મશીન છે?” તેમણે ફરી એકવાર વોશિંગ મશીનનો ઉપહાસ કર્યો.સીએમ સ્ટાલિને એમ પણ પૂછ્યું કે દેશની યોજનાઓ અને કાયદાઓનું નામ ફક્ત હિન્દી અને સંસ્કૃતમાં જ કેમ છે. સોશિયલ મીડિયા પ્લેટફોર્મ ઠ પર એક પોસ્ટમાં તેમણે લખ્યું, “કેન્દ્રીય મંત્રીઓ આપણા બાળકોને અંધશ્રદ્ધા કેમ શીખવી રહ્યા છે?” વિરોધ પક્ષો દ્વારા શાસિત રાજ્યોમાં રાજ્યપાલો દ્વારા અરાજકતા કેમ ફેલાવવામાં આવી રહી છે?તેમણે આરોપ લગાવ્યો કે ભાજપ એસઆઇઆર મોડેલ દ્વારા વોટ મેળવવા અને ચૂંટણીમાં ચેડા કરવા માટે હેરાફેરીનો ઉપયોગ કરી રહી છે. તેમણે એવો પણ પ્રશ્ન કર્યો કે કેન્દ્ર સરકાર કીઝાડી પુરાતત્વીય સ્થળ પર વૈજ્ઞાનિક રીતે સાબિત થયેલા અહેવાલને કેમ સ્વીકારી રહી નથી. સ્ટાલિને પૂછ્યું, “શું તમે ફરીથી વોટ્સએપ યુનિવર્સિટી દ્વારા ખોટો પ્રચાર ફેલાવવાનું શરૂ કરશો?”અગાઉ, ૧૭ ઓક્ટોબરના રોજ, વિધાનસભામાં રાજ્યની નાણાકીય પરિસ્થિત પર બોલતી વખતે, નાણામંત્રી થંગમ થેનારાસુએ કેન્દ્ર સરકારને ૧૦ પ્રશ્નો પૂછ્યા અને કેન્દ્ર સરકાર પર નાણાકીય ભેદભાવનો આરોપ લગાવ્યો. આ આરોપોમાં શામેલ છેઃ ૧) સહકારી સંઘવાદના નામે ય્જી્ સુધારા છતાં રાજ્યોને તેમનો વાજબી હિસ્સો મળતો નથી; ૨) રાષ્ટ્રીય શિક્ષણ નીતિ અને હિન્દી લાદવાથી તમિલનાડુના બાળકોના શિક્ષણને નુકસાન થાય છે; ૩) તમિલનાડુને માર્ગ પ્રોજેક્ટ્સમાં સામેલ ન કરવામાં આવે; ૪) નવા પ્રોજેક્ટ્સ માટે ભંડોળમાં દક્ષિણ રેલ્વે સાથે ભેદભાવ કરવામાં આવી રહ્યો છે. ૫) મદુરાઈ અને કોઈમ્બતુર મેટ્રો રેલ પ્રોજેક્ટ્સની મંજૂરીમાં વિલંબ. ૬) જળ જીવન મિશન યોજના હેઠળ તમિલનાડુને ફાળવવામાં આવેલા ૩૭૦૯ કરોડનું રિલિઝ ન થવું. ૭) વસ્તીના ૬% પ્રતિનિધિત્વ હોવા છતાં, તમિલનાડુને નાણાકીય વિતરણના માત્ર ૪% ફાળવવામાં આવે છે.નાણામંત્રીએ કહ્યું કે કેન્દ્ર ફક્ત સહકારી સંઘવાદને પ્રોત્સાહન આપે છે, પરંતુ વ્યવહારમાં, તમિલનાડુ સાથે ભેદભાવ કરવામાં આવી રહ્યો છે. મુખ્યમંત્રી સ્ટાલિને આ પ્રશ્નો વધુ ઉઠાવતા કહ્યું કે તમિલનાડુના લોકો આ બેવડું ધોરણ જાઈ રહ્યા છે અને જવાબો માંગી રહ્યા છે. તેમણે એ પણ સ્પષ્ટ કર્યું કે રાજ્ય આ મુદ્દાઓ પર ચૂપ રહેશે નહીં અને કેન્દ્ર પાસેથી જવાબો માંગવાનું ચાલુ રાખશે.
