પીડીપી નેતા કમર હુસૈન ચૌધરીએ તાજેતરમાં એકઝીટ પોલના પરિણામો પર પ્રતિક્રિયા આપતા કહ્યું કે આ પરિણામો ખૂબ જ પ્રોત્સાહક છે. તેમણે વિશ્વાસ વ્યક્ત કર્યો કે સમાન વિચારધારા ધરાવતા બિનસાંપ્રદાયિક પક્ષો એક થઈને સરકાર બનાવશે. ચૌધરીએ કહ્યું કે, આ સમય છે કે બિનસાંપ્રદાયિક પક્ષોએ એકસાથે આવવું જાઈએ, જેથી અમે જનતાનો અવાજ મજબૂત રીતે ઉઠાવી શકીએ. તેમનું માનવું છે કે આ વખતે ચૂંટણીના પરિણામો જનહિતમાં આવશે અને મજબૂત
સરકાર બનશે.
મીરવાઈઝ ઉમર ફારુક દ્વારા પાકિસ્તાનને લઈને કરવામાં આવેલા નિવેદનો પર પ્રતિક્રિયા આપતા ચૌધરીએ સ્પષ્ટતા કરી હતી કે, અમારે પાકિસ્તાન સાથે કોઈ લેવાદેવા નથી. અમે અમારા દેશની સરકાર સાથે વાત કરીશું. તેમણે કહ્યું કે જમ્મુ-કાશ્મીરની રાજકીય પરિસ્થીતિનો ઉકેલ માત્ર ભારતીય સંદર્ભમાં જ આવશે અને તેમાં કોઈ વિદેશી હસ્તક્ષેપની જરૂર નથી.
આમ, ચૌધરીના નિવેદનથી સ્પષ્ટ થઈ ગયું છે કે પીડીપી તેના રાજકીય અભિગમને ભારતના આંતરિક રાજકારણ પર કેન્દ્રિત કરવા માટે પ્રતિબદ્ધ છે. તેમના શબ્દોએ પ્રદેશમાં આગામી ચૂંટણી માટે નવી ઉર્જાનું ઇન્જેક્શન આપ્યું છે, જ્યાં વિવિધ રાજકીય પક્ષો તેમના દાવા રજૂ કરી રહ્યા છે. એકંદરે, ચૌધરીનું નિવેદન બિનસાંપ્રદાયિકતા અને એકતા પર ભાર મૂકવાની સાથે જમ્મુ અને કાશ્મીરની રાજકીય સ્થીતિમાં પરિવર્તનની શક્યતા દર્શાવે છે.
