એસએ ૨૦ ૨૦૨૫-૨૬ સીઝનમાં ટ્રિસ્ટન સ્ટબ્સની કેપ્ટનશીપ હેઠળ સનરાઇઝર્સ ઇસ્ટર્ન કેપ ટીમ અસાધારણ રીતે સારું પ્રદર્શન કરી રહી છે. ટીમે પ્લેઓફ માટે ક્વોલિફાય થવા માટે જાબર્ગ સુપર કિંગ્સને ૬૧ રનથી હરાવ્યું. આનાથી તેઓ વર્તમાન એસએ૨૦ સીઝનમાં પ્લેઓફમાં પહોંચનારી પ્રથમ ટીમ બની ગયા છે. ટીમના બોલરો અને બેટ્સમેન સારું પ્રદર્શન કરી રહ્યા છે. કાવ્યા મારન સનરાઇઝર્સ ઇસ્ટર્ન કેપના સહ-માલિક છે.
એસએ૨૦ ૨૦૨૫-૨૬ સીઝનમાં, સનરાઇઝર્સ ઇસ્ટર્ન કેપે કુલ આઠ મેચ રમી છે, જેમાં ચાર જીતી છે અને બે હારી છે. વધુમાં, બે મેચ કોઈ પરિણામ વિના સમાપ્ત થઈ છે. ટીમ ૨.૩૯૮ ના નેટ રન રેટ સાથે પોઈન્ટ ટેબલમાં ટોચ પર છે. તેમના સારા પ્રદર્શનથી, તેઓ પ્લેઓફ માટે ક્વોલિફાય થયા છે.
સનરાઇઝર્સ ઇસ્ટર્ન કેપે, જાબર્ગ સુપર કિંગ્સ સામે પ્રથમ બેટિંગ કરતા ૧૭૮ રન બનાવ્યા. ત્યારબાદ કવિટન ડી કોકે ૫૪ રન બનાવ્યા, અને જેમ્સ કોલ્સે ૬૧ રન બનાવ્યા. આ બેના કારણે સનરાઇઝર્સે મોટો સ્કોર બનાવ્યો. જાબર્ગ સુપર કિંગ્સનો કોઈ પણ બેટ્સમેન બેટિંગમાં ટકી શક્્યો નહીં અને ટીમ ૧૮.૧ ઓવરમાં ૧૧૭ રનમાં ઓલઆઉટ થઈ ગઈ. આમ, સનરાઈઝર્સે ૬૧ રનથી શાનદાર વિજય મેળવ્યો.
સનરાઈઝર્સ ઈસ્ટર્ન કેપે એસએ ૨૦ માં સારું પ્રદર્શન કર્યું છે. ટીમે બે વાર લીગ જીતી છે (૨૦૨૩, ૨૦૨૪). ૨૦૨૫ માં, તેઓ રનર-અપ રહ્યા અને આ વખતે પણ પ્લેઓફમાં સ્થાન મેળવ્યું.
