ભોજપુરી ગાયક અને અભિનેતા ખેસારી લાલ યાદવ ભાજપમાં જાડાશે તેવી અટકળો તેજ થઈ ગઈ જ્યારે તેઓ પટણામાં ભાજપના રાષ્ટ્રીય અધ્યક્ષ નીતિન નવીનને મળ્યા. આ મુલાકાત રાજકીય વર્તુળોમાં ચર્ચાનો મુખ્ય વિષય બની ગઈ છે. બિહારના મુખ્યમંત્રી સમ્રાટ ચૌધરી પણ બેઠક દરમિયાન હાજર હતા, અને તેઓ તે જ સમયે નીતિન નવીનને પણ મળ્યા હતા. જાકે, ખેસારી લાલ યાદવે પોતે ભાજપમાં જાડાવાની અટકળોનો અંત લાવ્યો અને સ્પષ્ટપણે કહ્યું કે તેમનો કોઈ પણ પક્ષમાં જાડાવાનો કોઈ ઈરાદો નથી.
અહેવાલો અનુસાર, ભોજપુરી અભિનેતા ખેસારી લાલ યાદવે ભાજપના રાષ્ટ્રીય અધ્યક્ષ નીતિન નવીનના નિવાસસ્થાને મુલાકાત લીધી. તેમણે કહ્યું, “મને ખુશી છે કે બિહારનો એક પુત્ર આખા દેશનું નેતૃત્વ કરી રહ્યો છે. નીતિન નવીન ભારતનું ગૌરવ છે. શરૂઆતથી જ અમારો વ્યક્તિગત સંબંધ છે. જા બિહારનો કોઈ ઉચ્ચ સ્તરે જાય છે અને બિહારને સુધારવાની વાત કરે છે, તો આપણે બધાએ તેમની સાથે ઊભા રહેવું જાઈએ. આજે તેમનો જન્મદિવસ હતો. હું આવ્યો હતો અને તેમને શુભેચ્છા પાઠવી હતી. હું કોઈ પણ પક્ષમાં જાડાવાનો નથી. હું એક કલાકાર છું અને મને કલાકાર રહેવા દો. હું આરજેડી સાથે હતો, છું અને રહીશ.”
ખેસારીએ વધુમાં જણાવ્યું હતું કે તેઓ જાતિ કે કોઈ રાજકીય ઓળખમાં માનતા નથી. તેમણે કહ્યું, “હું કોઈ પક્ષ કે જાતિ સાથે જાડાયેલો નથી. મારું માનવું છે કે આપણે માનવી તરીકે એકતામાં રહેવું જાઈએ.” પટનાની મુલાકાત અંગે તેમણે કહ્યું કે તેઓ નીતિન નવીનને તેમના જન્મદિવસની શુભેચ્છા પાઠવવા ગયા હતા. તેમણે કહ્યું, “આજે મારા ભાઈનો જન્મદિવસ હતો, અને હું પણ પટનામાં હતો. મને લાગ્યું કે તેઓ આજે દેશનું નેતૃત્વ કરી રહ્યા છે અને મારા માટે મોટા ભાઈ જેવા છે, તેથી હું તેમને શુભેચ્છા પાઠવવા આવ્યો છું.”
નોંધનીય છે કે ગત બિહાર વિધાનસભા ચૂંટણીમાં, ખેસારી લાલ યાદવને છપરા વિધાનસભા બેઠક પરથી મહાગઠબંધનના ઉમેદવાર તરીકે નામાંકિત કરવામાં આવ્યા હતા. તેમણે તેમના ચૂંટણી પ્રચાર દરમિયાન મોટી ભીડ ખેંચી હતી, પરંતુ ખૂબ જ નજીકની હરીફાઈમાં હારી ગયા હતા. આ ચૂંટણીમાં, ભાજપના ઉમેદવાર છોટી કુમારીએ તેમને ૭,૬૦૦ મતોથી હરાવ્યા. છોટી કુમારીને ૮૬,૮૪૫ મત મળ્યા, જ્યારે ખેસારી લાલ યાદવને ૭૯,૨૪૫ મત મળ્યા. ચૂંટણી હાર બાદ, ખેસારી લાલ યાદવે ભાવનાત્મક રીતે જણાવ્યું કે તેમનો મૂળ હેતુ રાજકારણમાં પ્રવેશવાનો નહોતો અને સક્રિય રાજકારણથી દૂર રહેવાનો સંકેત પણ આપ્યો હતો.
