બોલીવુડના પીઢ લેખક અને સલમાન ખાનના પિતા સલીમ ખાન ૧૭ ફેબ્રુઆરીના રોજ અચાનક બીમાર પડી ગયા. ત્યારબાદ તેમને મુંબઈની લીલાવતી હોસ્પિટલમાં દાખલ કરવામાં આવ્યા હતા. સલીમ ખાન છેલ્લા ચાર દિવસથી વેન્ટીલેટર સપોર્ટ પર છે. શાહરૂખ ખાને શનિવારે સાંજે હોસ્પિટલની મુલાકાત લીધી અને સલીમ ખાનના સ્વાસ્થ્ય વિશે પૂછપરછ કરી. આનો એક વીડિયો સામે આવ્યો છે. પાપારાઝી પેજ ઇન્સ્ટન્ટ બોલીવુડે શાહરૂખ ખાનની કાર, તેમના સુરક્ષા કર્મચારીઓ સાથે લીલાવતી હોસ્પિટલમાં પહોંચતા દર્શાવતો એક વીડિયો શેર કર્યો છે. અગાઉના અહેવાલો સામે આવ્યા હતા કે સલીમ ખાનને ૧૭ ફેબ્રુઆરીએ હોસ્પિટલમાં દાખલ કરવામાં આવ્યા હતા અને તેમને વેન્ટીલેટર પર રાખવામાં આવ્યા હતા. બુધવારે, ડા. જલીલ પારકરે પ્રેસને પુષ્ટિ આપી હતી કે સલીમ ખાનને મગજમાં નજીવો રક્તસ્રાવ થયો હતો અને તેમની ઉંમરને કારણે તેમની રિકવરીમાં સમય લાગી રહ્યો છે.
ડા. જલીલે પ્રેસ સાથે વાત કરતા, સલીમ ખાનના સ્વાસ્થ્ય વિશે માહિતી આપતા કહ્યું, “તેમને હુમલા આવી રહ્યા હતા અને તેમનું બ્લડ પ્રેશર ઊંચું હતું. અમે તેમની સારવાર કરી. તેમની સ્થિતિ વધુ ખરાબ ન થાય તે માટે, અમારે તેમને વેન્ટીલેટર પર મૂકવા પડ્યા.” આ એટલા માટે નહોતું કારણ કે તેમની સ્થિતિ ગંભીર હતી. અમે જરૂરી પરીક્ષણો કર્યા અને એક નાની સર્જરી કરી, જેની વિગતો હું હમણાં જાહેર કરીશ નહીં. તે સારી સ્થિતિમાં છે અને સ્થિર છે. તેમને આઇસીયુમાં દાખલ કરવામાં આવ્યા છે અને તેમની તબિયતમાં નોંધપાત્ર સુધારો થઈ રહ્યો છે. ઉંમર એક પરિબળ છે, તેથી સ્વસ્થ થવામાં સમય લાગશે.’ નોંધનીય છે કે સલીમ ખાનની તબિયત બગડ્યા પછી, તેમના પરિવારના સભ્યો હોસ્પિટલની બહાર જોવા મળ્યા હતા. હવે, ચાહકો પણ તેમના ઝડપી સ્વસ્થ થવા માટે પ્રાર્થના કરી રહ્યા છે.
સલીમ ખાનના પુત્ર, સલમાન ખાન, બોલિવૂડના સુપરસ્ટાર અને પોતે એક રાજા છે. ૭૦ના દાયકામાં પોતાની વિલક્ષણ વાર્તાઓથી ઇતિહાસ રચનાર લેખક સલીમ ખાન, જાવેદ અખ્તર સાથે પ્રખ્યાત જાડી હતી. બંનેએ ઘણી સુપરહિટ ફિલ્મો આપી છે, જેમાં શોલે પણ એક છે. આજે પણ, તેમની ફિલ્મો બોલિવૂડમાં સીમાચિહ્ન તરીકે ઓળખાય છે.
