દિલ્હીમાં ફરી એકવાર શાળાઓને બોમ્બથી ઉડાવી દેવાની ધમકીઓ મળ્યા બાદ આમ આદમી પાર્ટીએ દિલ્હી સરકાર પર આકરા પ્રહારો કર્યા છે. દ્વારકામાં બે શાળાઓ અને એક કોલેજને બોમ્બથી ઉડાવી દેવાની ધમકીઓ મળ્યા બાદ આપના રાષ્ટ્રીય કન્વીનર અરવિંદ કેજરીવાલ અને અન્ય નેતાઓએ બાળકો અને વાલીઓની સલામતી અંગે ઊંડી ચિંતા વ્યક્ત કરી છે. તેમણે કહ્યું કે દિલ્હીમાં શાળાઓને બોમ્બથી ઉડાવી દેવાની ધમકી કોણ વારંવાર આપી રહ્યું છે. દિલ્હીની ભાજપ સરકાર શું કરી રહી છે. સરકારના ચારેય એન્જીન નિષ્ફળ ગયા છે.
અરવિંદ કેજરીવાલે કહ્યું કે શાળાઓને વારંવાર ધમકીઓ આપવા છતાં, આજ સુધી એક પણ આરોપી પકડાયો નથી અને કોઈ નક્કર કાર્યવાહી કરવામાં આવી નથી. તેમણે કહ્યું કે દ્વારકાની દિલ્હી પબ્લીક સ્કૂલ સહિત દ્વારકાની ઘણી શાળાઓને આજે ફરીથી બોમ્બથી ઉડાવી દેવાની ધમકી મળી છે.
તે જ સમયે, આપના વરિષ્ઠ નેતા અને દિલ્હી વિધાનસભામાં વિપક્ષના નેતા આતિશીએ પણ દિલ્હીમાં શાળાઓને બોમ્બથી ઉડાવી દેવાની ધમકીઓ પર ભાજપની કેન્દ્ર સરકારની ટીકા કરી. તેમણે ટ્વીટર પર કહ્યું કે શાળાઓમાં ધમકીઓનો સિલસિલો બંધ થઈ રહ્યો નથી. ફરી એકવાર દિલ્હીની શાળાઓને બોમ્બથી ઉડાવી દેવાની ધમકીઓ મળી છે. દિલ્હી પોલીસ શું કરી રહી છે? બાળકો અને વાલીઓ ડરમાં છે પણ ભાજપની ચાર એન્જીનવાળી સરકાર તેમને સુરક્ષા પૂરી પાડી શકતી નથી.
આપના રાષ્ટ્રીય મીડિયા પ્રભારી અનુરાગ ઢાંડાએ એકસ પર કહ્યું કે છેલ્લા ૨ વર્ષથી દિલ્હીની શાળાઓને સતત ધમકીઓ મળી રહી છે, પરંતુ અમિત શાહની પોલીસ કંઈ કરી શકતી નથી. “આપ” નેતા જાસ્મીન શાહે ઠ પર કહ્યું કે છેલ્લા દાયકાથી દિલ્હીની શાળાઓમાં આવા આતંકવાદી ધમકીઓ એક સામાન્ય બાબત બની ગઈ છે. આજ સુધી, એક પણ વ્યક્તિને સજા કરવામાં આવી નથી. જા મોદી સરકાર રાષ્ટ્રીય રાજધાનીના બાળકોને સુરક્ષિત રાખી શકતી નથી, તો દેશની સુરક્ષા માટે તેના પર કેવી રીતે વિશ્વાસ કરી શકાય?
બીજી તરફ,એમસીડીમાં “આપ” ના વિરોધ પક્ષના નેતા અંકુશ નારંગે ઠ પર કહ્યું કે દિલ્હી પબ્લિક સ્કૂલ દ્વારકા સહિત ઘણી શાળાઓને આજે ફરી એકવાર બોમ્બથી ઉડાવવાની ધમકીઓ મળી છે. આ પહેલી ઘટના નથી. દિલ્હીની શાળાઓને સતત ધમકીઓ મળી રહી છે, પરંતુ અત્યાર સુધી કોઈ ગુનેગાર પકડાયો નથી, ન તો કોઈ નક્કર કાર્યવાહી કરવામાં આવી છે. ન તો ભાજપની ચાર એન્જીનવાળી સરકાર દિલ્હીનું સંચાલન કરી શકતી છે કે ન તો રાજધાનીની કાયદો અને વ્યવસ્થાનું. દિલ્હીમાં ભાજપ સરકારો સંપૂર્ણપણે નિષ્ફળ સાબિત થઈ છે.
