અભિનેત્રી દીપિકા પાદુકોણની આઠ કલાકના કાર્યદિવસની માંગણીએ ઉદ્યોગમાં ચર્ચા જગાવી છે. જા કે, તેણીએ “સ્પીરીટ” અને “કલ્કી ૨૮૯૮ એડી” ની સિક્વલ જેવા મોટા પ્રોજેક્ટ્સ પણ ગુમાવ્યા. પરંતુ દીપિકા પોતાની માંગણીઓ પર અડગ છે અને તેને ઉદ્યોગમાં ઘણા લોકોનો ટેકો મળ્યો છે. દીપિકાએ આ નિર્ણય તેની પુત્રી દુઆના જન્મ પછી લીધો હતો.દીપિકા કહે છે કે નવી માતાઓને કામ પર પાછા ફરવા માટે ટેકોની જરૂર છે. તેથી જ તેણીએ આ નિર્ણય લીધો. હાર્પર્સ બજાર ઇન્ડિયા સાથેની એક મુલાકાતમાં પોતાના વલણને સ્પષ્ટ કરતા દીપિકાએ કહ્યું, “અમે વધુ પડતા કામને સામાન્ય બનાવ્યું છે. આપણે થાકને પ્રતિબદ્ધતા સમજીએ છીએ. વ્યક્તિના શરીર અને મન માટે દિવસમાં આઠ કલાક પૂરતા છે. હું તેના પર ધ્યાન કેન્દ્રિત કરવા માંગુ છું. જ્યારે તમે સ્વસ્થ હોવ ત્યારે જ તમે તમારું શ્રેષ્ઠ આપી શકો છો. થાકેલા વ્યક્તિને કામ પર પાછા લાવવાથી કોઈને ફાયદો થતો નથી. મારી પોતાની ઓફિસમાં, અમે સોમવારથી શુક્રવાર સુધી દિવસમાં આઠ કલાક કામ કરીએ છીએ. માતૃત્વ અને પિતૃત્વ સંબંધિત અમારી પાસે નીતિઓ છે. આપણે બાળકોને કામ પર લાવવાનું સામાન્ય બનાવવું જાઈએ.”વાતચીત દરમિયાન, અભિનેત્રીએ સમજાવ્યું કે માતા બન્યા પછી તેની પ્રાથમિકતાઓ કેવી રીતે બદલાઈ ગઈ છે. તેણીએ કહ્યું, “આજે, મારા માટે સફળતા શારીરિક અને ભાવનાત્મક રીતે સ્વસ્થ રહેવા વિશે છે. સમય આપણી સૌથી મોટી સંપત્તિ છે. હું તેને કેવી રીતે વિતાવું અને કોની સાથે વિતાવું તે નક્કી કરવાની સ્વતંત્રતા હોવી એ મારા માટે સૌથી મોટી સફળતા છે.”કામના મોરચે, દીપિકા હાલમાં તેની આગામી ફિલ્મ ‘કિંગ’નું શૂટિંગ કરી રહી છે. તે આ ફિલ્મમાં શાહરૂખ ખાનની સામે જાવા મળશે. તેની પાસે એટલી અને અલ્લુ અર્જુનની આગામી ફિલ્મ એએ૨૨એકસએ૬ પણ છે. આ એક મોટા બજેટનો પ્રોજેક્ટ છે. ફિલ્મ વિશે હજુ સુધી વધુ માહિતી જાહેર કરવામાં આવી નથી.
