આસામના મુખ્યમંત્રી હિમંતા વિશ્વ શર્માએ બુધવારે આસામમાં વસ્તી વિષયક પરિવર્તનના મુદ્દા પર મોટો દાવો કર્યો છે. સીએમ હિમંતાએ કહ્યું છે કે જા રાજ્યમાં વર્તમાન વિકાસ દર ચાલુ રહેશે, તો વર્ષ ૨૦૪૧ સુધીમાં આસામમાં મુસ્લિમોની વસ્તી લગભગ હિન્દુઓની સમાન થઈ જશે. સીએમ હિમંતાએ એમ પણ કહ્યું છે કે ૨૦૧૧ ની વસ્તી ગણતરી મુજબ, આસામમાં ૩૪ ટકા મુસ્લિમોમાંથી ૩૧ ટકા એવા છે જેઓ અગાઉ આસામમાં સ્થાયી થયા હતા.
“૧૦ વર્ષમાં આસામમાં હિન્દુઓ લઘુમતી બની જશે” તેવા તેમના કથિત નિવેદન પર, આસામના મુખ્યમંત્રી હિમંતા બિસ્વા શર્માએ કહ્યું- “આ મારો વિચાર નથી. આ વસ્તી ગણતરીનું પરિણામ છે. આજે, ૨૦૧૧ ની વસ્તી ગણતરી મુજબ, આસામમાં ૩૪% વસ્તી લઘુમતી છે. તેથી, જા તમે ૩% સ્વદેશી આસામી મુસ્લિમોને દૂર કરો છો, તો ૩૧% મુસ્લિમો આસામમાં સ્થળાંતર કરી ચૂક્્યા છે. તેથી, જા તમે ૨૦૨૧, ૨૦૩૧ અને ૨૦૪૧ ના આધારે અંદાજ લગાવો છો, તો તમે લગભગ ૫૦-૫૦ ની પરિસ્થિતિ પર આવો છો. તેથી, આ મારો વિચાર નથી. હું ફક્ત આંકડાકીય વસ્તી ગણતરી અહેવાલ કહી રહ્યો છું.” સીએમ હિમંતાએ કહ્યું કે પાછલી વસ્તી ગણતરીના આંકડા અને રેકોર્ડ પરથી સમજાય છે કે હવેથી થોડા વર્ષો પછી, આસામમાં મુસ્લિમ વસ્તી લગભગ ૫૦ ટકા થઈ જશે.
૨૦૧૧ ના વસ્તી ગણતરી અહેવાલ મુજબ, આસામની વસ્તી ૩.૧૨ કરોડ હતી. આમાં, મુસ્લિમ વસ્તી ૧.૦૭ કરોડ એટલે કે ૩૪.૨૨ ટકા હતી. રાજ્યમાં હિન્દુઓની વસ્તી ૧.૯૨ કરોડ હતી. આ લગભગ ૬૧.૪૭ ટકા છે. ભાજપે કહ્યું છે કે આસામના ઓછામાં ઓછા ૯ જિલ્લા મુસ્લિમ બહુમતીવાળા બની ગયા છે. વર્ષ ૨૦૦૧માં આ સંખ્યા ૬ હતી. ભાજપનો દાવો છે કે હાલમાં આ સંખ્યા ૧૧ થઈ ગઈ છે.
૨૦૦૧માં મુસ્લિમ બહુમતી ધરાવતા જિલ્લાઓ કુલ ૨૩ છે જેમાં ધુબરી (૭૪.૨૯%),ગોલપારા (૫૩.૭૧%),બરપેટા (૫૯.૩૭%),નાગાંવ (૫૧%),કરીમગંજ (૫૨.૩%),હૈલાકાંડી (૫૭.૬૩%) છે
૨૦૧૧માં મુસ્લિમ બહુમતી ધરાવતા જિલ્લાઓ કુલ ૨૭ છે ધુબરી (૭૯.૬૭%),ગોલપારા (૫૭.૫૨%),બરપેટા (૭૦.૭૪%),મોરીગાંવ (૫૨.૫૬%),નાગાંવ (૫૫.૩૬%),કરીમગંજ (૫૬.૩૬%),હૈલાકાંડી (૬૦.૩૧%),બોંગાઈગાંવ (૫૦.૨૨%),દરંગ (૬૪.૩૪%)
