ભારત અને પાકિસ્તાન વચ્ચેની ટી ૨૦ વર્લ્ડ કપ ૨૦૨૬ ની મેચ પહેલા, સૌથી વધુ ચર્ચાનો વિષય એ હતો કે શું ટીમ ઈન્ડિયા હાથ મિલાવશે. મેચ દરમિયાન, તે સ્પષ્ટ થઈ ગયું કે ભારતીય ખેલાડીઓ હાથ મિલાવવાની નીતિનું પાલન કરશે.આઇસીસી દ્વારા ટી ૨૦ વર્લ્ડ કપ માટે બ્રાન્ડ એમ્બેસેડર તરીકે નિયુક્ત કરાયેલા ભૂતપૂર્વ ભારતીય કેપ્ટન રોહિત શર્મા પણ મેચ જાવા માટે કોલંબો પહોંચ્યા હતા. મેચ શરૂ થાય તે પહેલાં લેવામાં આવેલા રોહિતનો એક વીડિયો સામે આવ્યો હતો જેમાં તે ભૂતપૂર્વ પાકિસ્તાની ખેલાડી વસીમ અકરમને ગળે લગાવતો દેખાય છે, જેના કારણે હવે વિવાદ થયો છે.
આઇસીસીએ ભારત-પાકિસ્તાન મેચ માટે બ્રાન્ડ એમ્બેસેડર તરીકે રોહિત શર્માને કોલંબો આમંત્રણ આપ્યું હતું, જ્યાં તે ટ્રોફી સ્ટેડિયમમાં લઈ ગયો હતો. આ દરમિયાન આઇસીસીના સીઇઓ સંજાગ ગુપ્તા અને ભૂતપૂર્વ પાકિસ્તાની કેપ્ટન વસીમ અકરમ પણ તેમની સાથે હતા. રોહિતે ટ્રોફી મૂક્યા પછી, તે વસીમ અકરમ સાથે મેદાનની બહાર ચાલવા લાગ્યો. આ દરમિયાન, બંનેએ હાથ મિલાવ્યા અને એકબીજાને ગળે લગાવ્યા.
પાકિસ્તાન સામેની મેચ શરૂ થાય તે પહેલાં, રોહિત શર્મા કોલંબોના આર. પ્રેમદાસા સ્ટેડિયમ પહોંચ્યો અને ટીમ ઇન્ડિયાના ડગઆઉટમાં બધા ખેલાડીઓને મળવા ગયો. નોંધનીય છે કે આ ટી ૨૦ વર્લ્ડ કપનું પહેલું સંસ્કરણ છે જેમાં રોહિત શર્મા ભાગ નથી. તેમણે અગાઉની બધી આવૃત્તિઓમાં ભાગ લીધો છે, જેમાં છેલ્લી આવૃત્તિનો પણ સમાવેશ થાય છે જેમાં ટીમ ઈન્ડિયા એ ૨૦૨૪ માં તેમની કેપ્ટનશીપ હેઠળ ટ્રોફી જીતી હતી. આ મેચની વાત કરીએ તો, સૂર્યકુમાર યાદવની કેપ્ટનશીપ હેઠળ ભારતીય ટીમે પોતાનો વિજય ક્રમ ચાલુ રાખ્યો, મેચ ૬૧ રનથી જીતીને સુપર ૮ માં પોતાનું સ્થાન મેળવ્યું. આ મેચમાં પ્રથમ બેટિંગ કરતા, ટીમ ઈÂન્ડયાએ ૧૭૫ રન બનાવ્યા, ત્યારબાદ, લક્ષ્યનો પીછો કરતી વખતે, પાકિસ્તાની ટીમ ૧૧૪ રનના સ્કોર પર સમેટાઈ ગઈ.
