ઉત્તર પ્રદેશના મુખ્યમંત્રી યોગી આદિત્યનાથે એક મોટી જાહેરાત કરી છે. મુખ્યમંત્રી યોગીએ જાહેરાત કરી છે કે દેશની દરેક શાળામાં રાષ્ટ્રગીત “વંદે માતરમ” ગાવાનું ફરજિયાત બનાવવામાં આવશે. તેમણે કહ્યું, “આપણે સરદાર વલ્લભભાઈ પટેલને આપણી ચર્ચાનો ભાગ બનાવવો જાઈએ. અમે ઉત્તર પ્રદેશની તમામ શૈક્ષણિક સંસ્થાઓમાં ‘વંદે માતરમ’ ગાવાનું ફરજિયાત બનાવીશું જેથી ઉત્તર પ્રદેશના દરેક નાગરિકમાં ભારત માતા અને માતૃભૂમિ પ્રત્યે આદરની ભાવના ભરાઈ જાય.”‘એકતા યાત્રા’ અને ‘વંદે માતરમ’ સમૂહ ગાયન કાર્યક્રમમાં ભાગ લેતા, ઉત્તર પ્રદેશના મુખ્યમંત્રી યોગી આદિત્યનાથે કહ્યું, “૩૦ ઓક્ટોબરના રોજ, દેશભરના દરેક જિલ્લામાં ‘રન ફોર યુનિટી’ નામની રાષ્ટ્રીય એકતા દોડનું આયોજન કરવામાં આવ્યું હતું. આ સમય દરમિયાન, ભાજપે મહાન વલ્લભભાઈ પટેલના જીવન અને કાર્ય પર કેન્દ્રિત કાર્યક્રમોનું આયોજન પણ શરૂ કર્યું. સરકારી સ્તરે પણ ઘણા કાર્યક્રમો શરૂ કરવામાં આવ્યા. સ્વદેશી હોય કે આત્મનિર્ભરતા, રાષ્ટ્રીય એકતાના મુદ્દાઓને સંબોધતી પહેલોને પ્રોત્સાહન આપવામાં આવ્યું, અને દેશભરમાં વ્યાપક જનજાગૃતિ અભિયાનો પણ શરૂ કરવામાં આવ્યા.”ઉત્તર પ્રદેશના મુખ્યમંત્રી યોગી આદિત્યનાથે રવિવારે ઉત્તરાખંડના લોકોને રાજ્યના ૨૫મા સ્થાપના દિવસ પર અભિનંદન આપ્યા. ઠ પરની એક પોસ્ટમાં, મુખ્યમંત્રીએ કહ્યું, “પૌરાણિક પરંપરાઓની પવિત્ર ભૂમિ અને પવિત્ર સ્થળોથી સમૃદ્ધ ‘દેવભૂમિ’ ઉત્તરાખંડ રાજ્યના સ્થાપના દિવસ પર ઉત્તરાખંડના લોકોને હાર્દિક અભિનંદન અને શુભકામનાઓ!” તેમણે કહ્યું, “આદરણીય પ્રધાનમંત્રી શ્રી નરેન્દ્ર મોદીજીના માર્ગદર્શન અને માનનીય મુખ્યમંત્રી શ્રી પુષ્કર ધામીજીના નેતૃત્વ હેઠળ, આ રાજ્ય મજબૂત, સલામત અને સમૃદ્ધ બની રહ્યું છે. હું બાબા શ્રી કેદારનાથજીને પ્રાર્થના કરું છું કે ભારતનું આ ‘મુગટ રત્ન’ વિકાસના માર્ગ પર આગળ વધતું રહે.”
