રાજુલામાં વેપારીના કર્મચારી પર હુમલો કરનાર બે આરોપી ઝડપાયા

અમરેલી જિલ્લાના રાજુલા શહેરના મુખ્ય બજારમાં થયેલી છરીબાજીના કેસમાં પોલીસે બંને આરોપીઓની ધરપકડ કરી છે. થોડા દિવસ પહેલા વોકવેલ નામની દુકાનમાં કામ કરતો એક યુવક બાઇક પર નીકળ્યો હતો. આ દરમિયાન સામાન્ય બાબતે આરોપીઓએ તેના પર છરી વડે હુમલો કર્યો હતો. પોલીસે આરોપી લાલજીભાઈ ઉર્ફે લાલો કાનાભાઈ ખાંભલા અને પ્રતીક અરજણભાઈ વાળા સામે ગુનો નોંધ્યો હતો. આરોપીઓને પકડવા માટે અલગ-અલગ ટીમો બનાવવામાં આવી હતી. સર્વેલન્સ ટીમે ટેક્નિકલ અને હ્યુમન સોર્સના આધારે તપાસ કરી હતી. આરોપીઓ વારંવાર પોતાનું લોકેશન બદલતા હતા. છેવટે પોલીસે રાજુલા વિસ્તારમાંથી બંનેની ધરપકડ કરી
લીધી છે.