રાજા રઘુવંશી કેસમાં એક પછી એક ઘણા ચોંકાવનારા ખુલાસા બહાર આવી રહ્યા છે. હવે આ કેસમાં એક નવી અપડેટ સામે આવી છે કે રાજાની હત્યામાં એક નહીં પણ બે હથિયારોનો ઉપયોગ કરવામાં આવ્યો હતો. રાજાની હત્યા ‘ડો’થી કરવામાં આવી હતી જે ઉત્તરપૂર્વમાં વપરાતી મોટી છરી છે. તમને જણાવી દઈએ કે ઇન્દોરના ઉદ્યોગપતિ રાજા રઘુવંશીની હત્યા ૨૩ મેના રોજ મેઘાલયમાં તેમના હનીમૂન દરમિયાન કરવામાં આવી હતી. પોલીસે રાજાની પત્ની સોનમ, તેના કથિત પ્રેમી અને ત્રણ ભાડે રાખેલા હત્યારાઓની હત્યાનું કાવતરું ઘડવા અને તેને અંજામ આપવા બદલ ધરપકડ કરી છે.
સૂત્રોએ માહિતી આપી છે કે રાજાની હત્યામાં ઉપયોગમાં લેવાયેલા બે ડોમાંથી એક હજુ સુધી મળી શક્યો નથી. માહિતી અનુસાર, હત્યામાં સામેલ બીજા ડો પણ તે ખાડામાં ફેંકી દેવામાં આવ્યો છે જેમાં રાજાને ફેંકવામાં આવ્યો હતો. જાણવા મળ્યું છે કે રાજાની પત્ની સોનમનો ફોન હજુ સુધી મળી આવ્યો નથી. સોનમએ તેના ફોન પણ નાશ કરી દીધા છે.
સૂત્રો પાસેથી મળેલી માહિતી અનુસાર, રાજા રઘુવંશી પર કુલ ૩ હુમલા કરવામાં આવ્યા હતા. ત્રણેય હત્યારાઓએ રાજા પર એક-એક વાર હુમલો કર્યો હતો. સોનમે હત્યારાઓને પા‹કગમાં જ રાજાને મારી નાખવાનો સંકેત આપ્યો હતો. પહેલા હુમલા પછી, જ્યારે રાજા લોહી વહેવા લાગ્યો, ત્યારે સોનમ ચીસો પાડતી ત્યાંથી પાછળ હટી ગઈ. આ પછી, ત્રણેય હત્યારાઓએ રાજાના મૃતદેહને ખાડામાં ફેંકી દીધો.
રાજા રઘુવંશીની હત્યાનું કારણ પ્રેમ ત્રિકોણ સિવાય બીજું કંઈક હોઈ શકે છે. કેસના દરેક પાસામાં તપાસ ચાલી રહી છે. પરંતુ અત્યાર સુધી તપાસમાં પ્રેમ ત્રિકોણના પુરાવા મળ્યા છે. હત્યા કેસમાં ધરપકડ કરાયેલા આરોપીઓની પૂછપરછ ચાલુ છે.
