સમાજવાદી પાર્ટીના પ્રમુખ અખિલેશ યાદવ મિશન ૨૦૨૭ માટે ચૂંટણી મેદાનમાં ઉતર્યા છે. તેમણે ઉત્તર પ્રદેશના દાદરીમાં તેમની રેલીમાં ખુલ્લેઆમ ગુર્જર કાર્ડ રમ્યું. તેમના ભાષણમાં ગુર્જર સમુદાય માટે આદરના પ્રતીકોને સંપૂર્ણ પ્રાથમિકતા આપતા, તેમણે સરકાર બનાવશે તો રાજધાની લખનૌમાં ગોમતી રિવર ફ્રન્ટ પર રાજા મિહિર ભોજનની પ્રતિમા સ્થાપિત કરવાનું વચન પણ આપ્યું.
ગુર્જર-પ્રતિહાર રાજવંશના ૯મી સદીના શાસક મિહિર ભોજે ઉત્તર ભારતના મોટા ભાગ પર શાસન કર્યું. ભગવાન વિષ્ણુ પ્રત્યેની તેમની ભક્તિ માટે પણ ઇતિહાસમાં તેમનું નામ નોંધાયેલું છે. ભાજપના નેતાઓ ઘણીવાર અખિલેશ યાદવ પર મુસ્લિમ તુષ્ટિકરણનો આરોપ લગાવતા હોય છે. કદાચ આ જ કારણ છે કે અખિલેશે ગુર્જર-પ્રતિહાર વંશના રાજા મિહિર ભોજની પ્રતિમાને ગંગાજળ અર્પણ કરીને દાદરી રેલીની શરૂઆત કરી હતી.
અખિલેશે સમાજવાદી પાર્ટીની સરકાર બને તો મહિલાઓને વાર્ષિક ૪૦,૦૦૦ રૂપિયા આપવાના પોતાના વચનને પુનરાવર્તિત કરીને અડધી વસ્તીને આકર્ષવાનો પ્રયાસ કર્યો. તેમણે એમ પણ કહ્યું કે કેટલાક લોકો આપણા સમ્રાટ (મિહિર ભોજ) ના વારસાને હડપ કરવા માંગતા હતા.
એ નોંધવું જાઈએ કે ગુર્જર અને રાજપૂત બંને જાતિઓ દાદરી અને આસપાસના વિસ્તારોમાં મિહિર ભોજના વારસાનો દાવો કરતી રહી છે. સપા પ્રમુખે યાદ અપાવ્યું કે સમાજવાદી સરકાર દરમિયાન મિહિર ભોજના નામે એક મોટો પાર્ક બનાવવામાં આવ્યો હતો. તેમણે ૧૮૫૭ના યુદ્ધમાં કોટવાલ ધનસિંહ ગુર્જરના યોગદાનને યાદ કરીને સમુદાયને આકર્ષવાનો પણ પ્રયાસ કર્યો.
એ નોંધવું જાઈએ કે ગુર્જર સમુદાયના સાંસદોએ એક યા બીજા સમયે પશ્ચિમ ઉત્તર પ્રદેશના કૈરાના, સહારનપુર, બિજનૌર, મેરઠ, ગૌતમ બુદ્ધ નગર, બાગપત, બિજનૌર અને અમરોહામાં સેવા આપી છે. પશ્ચિમ ઉત્તર પ્રદેશની ૮૦-૯૦ બેઠકો પર આ સમુદાયનો નોંધપાત્ર પ્રભાવ માનવામાં આવે છે. આઝાદ સમાજ પાર્ટીના નેતા અને નગીનાના સાંસદ ચંદ્રશેખરે સંસદમાં ગુર્જર રેજિમેન્ટ બનાવવાની માંગ ઉઠાવી છે તે કોઈ કારણ વગર નથી. ૨૦૨૭ ના પરિણામો જ કહેશે કે અખિલેશ યાદવ દાદરીની રેલી સાથે ગુર્જર કાર્ડનો ઉપયોગ કરવામાં કેટલા સફળ થશે.
બીજી તરફ, અખિલેશે બંધારણનો મુદ્દો પણ જારશોરથી ઉઠાવ્યો, જે છેલ્લી લોકસભા ચૂંટણીમાં સપા માટે ટ્રમ્પ કાર્ડ બની ગયો હતો, અને સંદેશ આપ્યો કે આગામી વિધાનસભા ચૂંટણી દરમિયાન આ મુદ્દાને ઠંડો પડવા દેવામાં આવશે નહીં.
