ભારતીય હવામાન વિભાગે ઉત્તર ભારતના ઘણા રાજ્યોમાં વરસાદની આગાહી કરી છે. આઇએમડીએ જણાવ્યું હતું કે નવા પશ્ચિમી વિક્ષેપના પ્રભાવને કારણે, ૧૭ અને ૧૮ ફેબ્રુઆરી, ૨૦૨૬ ના રોજ પશ્ચિમી હિમાલય ક્ષેત્રમાં છૂટાછવાયા વરસાદ/બરફવર્ષા અને ઉત્તરપશ્ચિમ ભારતના મેદાની વિસ્તારોમાં છૂટાછવાયા વરસાદ પડી શકે છે. પશ્ચિમી વિક્ષેપ જમ્મુ અને કાશ્મીર, હિમાચલ પ્રદેશ, લદ્દાખ અને ઉત્તરાખંડના કેટલાક ભાગોમાં વરસાદ અને હિમવર્ષાનું કારણ બની રહ્યો છે, પરંતુ તેની અસરો હવે રાજસ્થાન અને ઉત્તર પ્રદેશમાં પણ અનુભવાઈ શકે છે.
આઇએમડીએ જણાવ્યું હતું કે નબળા પશ્ચિમી વિક્ષેપને કારણે ૧૭ અને ૧૮ ફેબ્રુઆરીએ રાજસ્થાનમાં છૂટાછવાયા ભારે પવન અને હળવો વરસાદ થવાની સંભાવના છે. હિમાચલ અને રાજસ્થાનમાં વરસાદની અસરો ઉત્તર પ્રદેશ અને દિલ્હી એનસીઆરમાં પણ અનુભવાઈ શકે છે. દિવસનું તાપમાન ગરમ હોય છે, પરંતુ હિમવર્ષા પછી ઠંડા પવનો મહત્તમ તાપમાનમાં ઘટાડો લાવી શકે છે.
આગામી ત્રણ દિવસમાં ઉત્તરપશ્ચિમ ભારતમાં લઘુત્તમ તાપમાનમાં ૨-૩ ડિગ્રી સેલિસયસ નો વધારો થવાની સંભાવના છે, ત્યારબાદ ૨-૩ ડિગ્રી સેલિસયસ નો ઘટાડો થવાની સંભાવના છે.
પશ્ચિમ ભારતમાં લઘુત્તમ તાપમાન આગામી ૨૪ કલાકમાં યથાવત રહેશે, અને ત્યારબાદ ૨-૩ ડિગ્રી સેલિસયસ વધી શકે છે.
આગામી પાંચ દિવસમાં મહારાષ્ટ્ર માં મહત્તમ તાપમાનમાં કોઈ નોંધપાત્ર ફેરફાર થશે નહીં, અને ત્યારબાદ, ધીમે ધીમે ૨-૩ ડિગ્રી સેલિસયસ નો વધારો થવાની ધારણા છે.
કોંકણ, ગોવા અને કર્ણાટકના દરિયાકાંઠાના વિસ્તારોમાં આગામી ત્રણ દિવસ સુધી ભેજવાળી ગરમીનો અનુભવ થવાની ધારણા છે. આંદામાન અને નિકોબાર ટાપુઓ માટે વરસાદની ચેતવણી જારી કરવામાં આવી છે.
રવિવારે દિલ્હીમાં મહત્તમ તાપમાન ૨૮.૫ ડિગ્રી સેલિસયસ નોંધાયું હતું, જે સામાન્ય કરતાં ૪.૧ ડિગ્રી વધારે છે. ભારતીય હવામાન વિભાગ અનુસાર, લઘુત્તમ તાપમાન ૧૧.૧ ડિગ્રી સેલિસયસ હતું, જે સામાન્ય કરતાં ૦.૧ ડિગ્રી વધારે હતું. વિભાગે સોમવારે હળવા ધુમ્મસની આગાહી કરી છે. મહત્તમ અને લઘુત્તમ તાપમાન અનુક્રમે ૨૮ ડિગ્રી અને ૧૨ ડિગ્રી સેલ્સયન્સ ની આસપાસ રહેવાની ધારણા છે.
