કેન્દ્રીય સંસ્કૃતિ અને પર્યટન મંત્રી ગજેન્દ્ર સિંહ શેખાવતે જણાવ્યું હતું કે કાશ્મીર એક નવા યુગ તરફ આગળ વધી રહ્યું છે જ્યાં વિકાસ જમીન પર દેખાય છે. આદર, સમાન તકો અને આત્મસન્માનથી ભરેલા ભવિષ્ય તરફ આગળ વધીને, કાશ્મીર હવે નવા ભારતની ઓળખ બની રહ્યું છે.તેમણે કાશ્મીર યુનિવર્સિટી ખાતે વિશ્વગ્રામ દ્વારા આયોજિત આંતરરાષ્ટ્રીય સેમિનારને સંબોધિત કર્યો. શેખાવતે કહ્યું કે કાશ્મીર એક સમયે નકારાત્મક ઘટનાઓ માટે જાણીતું હતું, પરંતુ હવે તે ઓળખ સંપૂર્ણપણે બદલાઈ ગઈ છે. ખીણમાં લાખો પ્રવાસીઓનું પાછા ફરવું આનો પુરાવો છે.કેન્દ્રીય મંત્રીએ કહ્યું કે પ્રવાસન ક્ષેત્ર હાલમાં ભારતના જીડીપીમાં ૫.૬ ટકાનું યોગદાન આપે છે, જેને ૨૦૪૭ સુધીમાં ૧૦ ટકા સુધી વધારવાનું લક્ષ્ય છે. વડા પ્રધાન નરેન્દ્ર મોદીના નેતૃત્વમાં, દેશે અભૂતપૂર્વ પ્રગતિ કરી છે. લાખો કિલોમીટર રસ્તાઓ, રેલ્વે લાઇનો અને નવા એરપોર્ટ બનાવવામાં આવી રહ્યા છે.ટ્રેનો કાશ્મીર પહોંચી છે, જેનાથી પ્રવાસન માટે નવા દરવાજા ખુલી રહ્યા છે. તેમણે કહ્યું કે જા આગામી ૨૦ વર્ષમાં ભારતમાં પ્રવાસન વૃદ્ધિ ૨૦ ટકા સુધી પહોંચે છે, તો કાશ્મીરના લોકોને સૌથી વધુ ફાયદો થશે.પહેલગામ ઘટનાનો ઉલ્લેખ કરતા કેન્દ્રીય મંત્રીએ કહ્યું કે કાશ્મીરે જે રીતે એક થઈને હિંસાનો વિરોધ કર્યો તે એક નવા કાશ્મીરની ઝલક હતી. પરિણામે, કાશ્મીર ફરી એકવાર એ જ ઉત્સાહ અનુભવી રહ્યું છે. આજના યુવાનો ઇન્સ્ટાગ્રામ રીલ્સના આધારે તેમની મુસાફરીનું આયોજન કરે છે, અને કાશ્મીર પાસે ઘણું બધું આપવા માટે છે, પછી ભલે તે આધ્યાÂત્મક પર્યટન હોય, બૌદ્ધ અને શૈવ યુગના અવશેષો હોય કે ગ્રામીણ હોમસ્ટેનો અનુભવ હોય.પર્યટન એ રોજગાર ઉત્પન્ન કરતું મુખ્ય ક્ષેત્ર છે, અને ૧ કરોડનું રોકાણ બહુવિધ અસરો પેદા કરે છે. ૨૦૪૭ સુધીમાં, પર્યટન કૃષિ અને એમએસએમઇ પછી સૌથી મોટું રોજગાર ઉત્પન્ન કરતું ક્ષેત્ર બનશે.શેખાવતે કહ્યું કે કેન્દ્ર, રાજ્ય અને વિશ્વ બેંક નવા પર્યટન સ્થળો વિકસાવવા માટે સાથે મળીને કામ કરી રહ્યા છે, જે સુનિશ્ચિત કરશે કે કાશ્મીરની ઓળખ ગુલમર્ગ અને પહેલગામ સુધી મર્યાદિત નહીં રહે, પરંતુ નવા સ્થળોને પણ આવરી લેશે જે યુવાનોને રોજગાર અને તકો બંને લાવશે. તેમણે યુવાનોને કાશ્મીરના પર્યટનને ટકાઉ અને વિકેન્દ્રિત બનાવવાની જવાબદારી લેવા હાકલ કરી.કેન્દ્રીય મંત્રીએ કહ્યું કે હાલની પ્રગતિ સાથે, આવનારા વર્ષોમાં ભારતને વિશ્વની ત્રીજી સૌથી મોટી અર્થવ્યવસ્થા બનતા કોઈ રોકી શકશે નહીં. વડા પ્રધાન નરેન્દ્ર મોદીના માર્ગદર્શન હેઠળ રાજ્યો અને કેન્દ્રશાસિત પ્રદેશો દ્વારા કરવામાં આવેલા અર્થપૂર્ણ પ્રયાસોએ માત્ર થોડા વર્ષોમાં ૨૫૦ મિલિયન લોકોને ગરીબીમાંથી બહાર કાઢવામાં મદદ કરી છે.જ્યારે કોઈ દેશ આ દિશામાં આગળ વધે છે, ત્યારે સૌથી મોટી જવાબદારી શૈક્ષણિક સંસ્થાઓની હોય છે અથવા તેમના દ્વારા બનાવવામાં આવતા યુવાનોની હોય છે. તેમણે વિશ્વાસ વ્યક્ત કર્યો કે પરિણામે, ભારત વૈશ્વેક મંચ પર તેની હાજરી મજબૂત બનાવતું રહેશે.વિશ્વગ્રામ આંતરરાષ્ટ્રીય સેમિનારના બીજા દિવસના સત્રો ગુરુવારે કાશ્મીર યુનિવર્સિટી ખાતે યોજાયા હતા. સેમિનાર માટે મોટી સંખ્યામાં વિદ્યાર્થીઓએ નોંધણી કરાવી હતી. સવારે ૧૦ થી ૧૧ વાગ્યા સુધી, કલાકારોએ સાંસ્કૃતિક પ્રદર્શનથી શ્રોતાઓને મંત્રમુગ્ધ કર્યા હતા.
