રશિયામાં એક ભયાનક ટ્રેન અકસ્માત થયો છે. પશ્ચિમ રશિયાના બ્રાયન્સ્ક ક્ષેત્રમાં શનિવારે મોડી રાત્રે એક પુલ તૂટી પડતાં એક પેસેન્જર ટ્રેન પાટા પરથી ઉતરી ગઈ. આ અકસ્માતમાં ૭ લોકોના મોત થયા છે. લગભગ ૩૦ લોકો ઘાયલ થયા છે. રશિયન અધિકારીઓએ ટ્રેન અકસ્માત માટે ‘ગેરકાયદેસર દખલગીરી’ને જવાબદાર ઠેરવી છે.
પશ્ચિમ રશિયામાં આ ટ્રેન અકસ્માત બ્રાયન્સ્ક પ્રદેશમાં થયો હતો, જે યુક્રેનની સરહદને અડીને છે. વર્ષ ૨૦૨૨ માં રશિયા દ્વારા યુક્રેન પર હુમલા બાદ આ વિસ્તારમાં તણાવ વધ્યો છે. મોસ્કો રેલ્વેના જણાવ્યા અનુસાર, પરિવહન કામગીરીમાં ગેરકાયદેસર દખલગીરીને કારણે પુલ તૂટી પડ્યો હતો. પુલ પણ તૂટી પડવાની ઘટનામાં ટ્રેન ફસાઈ ગઈ હતી.
રોસાવટોડોરે પુષ્ટિ આપી છે કે પુલ તે રેલ્વે લાઇન પરથી પસાર થયો હતો જેના પર ટ્રેન ચાલી રહી હતી. પુલ અચાનક તૂટી પડવાને કારણે, કોંક્રિટના મોટા ટુકડા પાટા પર પડી ગયા, જે સીધા આવી રહેલી ટ્રેનના માર્ગમાં આવી ગયા. ટ્રેન પલટી ગઈ.
સોશિયલ મીડિયા પ્લેટફોર્મ એકસ પરના ચિત્રો અને વીડિયોમાં ટ્રેનના કોચ તૂટેલા અને કાટમાળથી ભરેલા દ્રશ્યમાં વેરવિખેર જાવા મળે છે. કેટલાક સોશિયલ મીડિયા વીડિયોમાં પુલ તૂટી પડવાની ભયાનક ક્ષણ કેદ થઈ છે, જેમાં વાહનો પુલ તૂટી પડવાથી બચી ગયા હતા.
બ્રાયન્સ્કના ગવર્નર એલેક્ઝાન્ડર બોગોમાઝે જાનહાનિની પુષ્ટિ કરી અને કહ્યું કે ઘાયલોમાં બે બાળકો પણ છે. બોગોમાઝે કહ્યું કે પીડિતોને જરૂરી તમામ સહાય પૂરી પાડવા માટે તમામ પ્રયાસો કરવામાં આવી રહ્યા છે. તેમણે એમ પણ કહ્યું કે કટોકટી સેવાઓ અને સ્થાનિક અધિકારીઓ ઘટનાસ્થળે કામ કરી રહ્યા છે.
