દેશના ઉત્તર અને પશ્ચિમી પ્રદેશોમાં તાપમાનમાં વધારો થઈ રહ્યો છે, જ્યારે સક્રિય પશ્ચિમી ખલેલ જમ્મુ અને કાશ્મીર, ઉત્તરાખંડ અને હિમાચલ પ્રદેશમાં વરસાદ અને હિમવર્ષાનું કારણ બની રહી છે. મોડી રાતથી એક નવો પશ્ચિમી ખલેલ આ પ્રદેશને અસર કરી શકે છે, જેના કારણે ૨૨ ફેબ્રુઆરી સુધી છૂટાછવાયા વરસાદ અથવા હિમવર્ષા થઈ શકે છે.
હવામાન વિભાગ અનુસાર,દક્ષિણ તમિલનાડુ અને દક્ષિણ કેરળમાં કેટલાક સ્થળોએ ભારે વરસાદની આગાહી છે. ૨૨મી તારીખે ઉત્તરાખંડમાં વાવાઝોડા અને વીજળી પડવાની આગાહી છે, સાથે વરસાદ પણ પડશે. ૨૩મી અને ૨૪મી તારીખે છત્તીસગઢ અને ઓડિશામાં વરસાદની આગાહી છે.
દેશભરના ઘણા રાજ્યોમાં તાપમાન ધીમે ધીમે વધી રહ્યું છે. દિલ્હી, પંજાબ, હરિયાણા, ઉત્તર-પૂર્વ રાજસ્થાન, ઉત્તર પ્રદેશ, મધ્ય પ્રદેશ, ઝારખંડ અને ઉપ-હિમાલયી પશ્ચિમ બંગાળમાં લઘુત્તમ તાપમાન ૧૨-૧૫° સે નોંધાઈ રહ્યું છે. અહીં લઘુત્તમ તાપમાન સામાન્ય કરતાં વધુ છે. ભારતના મેદાની વિસ્તારોમાં નારનૌલ (હરિયાણા)માં સૌથી ઓછું લઘુત્તમ તાપમાન ૮.૫° સે નોંધાયું છે. ભારતના મેદાની વિસ્તારોમાં કોટ્ટાયમ (કેરળ) માં સૌથી વધુ ૩૭.૦° સેલ્સિયસ તાપમાન નોંધાયું હતું.
મહત્તમ તાપમાન મહારાષ્ટ્ર રાયલસીમા, તેલંગાણા, તમિલનાડુ, કેરળ અને માહેમાં ૩૪-૩૭° સેલ્સિયસ સુધી રહ્યું. પશ્ચિમ રાજસ્થાન, આસામ અને મેઘાલય, નાગાલેન્ડ, મણિપુર, મિઝોરમ અને ત્રિપુરામાં ૩૦-૩૪° સેલ્સિયસ નોંધાયું. પંજાબ, હરિયાણા, ચંદીગઢ, દિલ્હી અને ઉત્તર પ્રદેશમાં ૨૫-૩૦° સેલ્સિયસ નોંધાયું. આ રાજ્યોમાં મહત્તમ તાપમાન સામાન્ય કરતાં ૩-૫° સેલ્સિયસ વધુ હતું.
હવામાન વિભાગે જણાવ્યું હતું કે આગામી ૭ દિવસમાં ઉત્તર પશ્ચિમ ભારતમાં મહત્તમ તાપમાનમાં ધીમે ધીમે ૨-૪° સેલ્સિયસનો વધારો થવાની ધારણા છે. આગામી બે દિવસમાં મધ્ય ભારતમાં મહત્તમ તાપમાનમાં ધીમે ધીમે ૨-૩° સેલ્સિયસ વધારો થવાની ધારણા છે. આગામી બે થી ત્રણ દિવસમાં ગુજરાત અને મહારાષ્ટÙમાં મહત્તમ તાપમાનમાં ધીમે ધીમે ૨-૩° સેલ્સિયસ નો વધારો થવાની ધારણા છે. દેશના બાકીના ભાગોમાં તાપમાનમાં કોઈ નોંધપાત્ર ફેરફાર થવાની ધારણા નથી.
દિલ્હી-એનસીઆરમાં આકાશ મોટે ભાગે સ્વચ્છ રહેશે, એટલે કે દિવસ દરમિયાન તડકો રહેશે. દિલ્હીમાં મહત્તમ તાપમાન ૨૭° સે થી ૨૯ સે અને લઘુત્તમ તાપમાન ૧૨ સે થી ૧૪° સેની વચ્ચે રહેવાની ધારણા છે. દિવસ દરમિયાન ૧૦-૧૫ કિમી/કલાકની ઝડપે પવન ફૂંકાઈ શકે છે.
