પશ્ચિમ બંગાળમાં નકલી મતદારોના નામોના મુદ્દા પર ચૂંટણી પંચે અધિકારીઓ સામે એફઆઇઆર દાખલ કરવાની સમયમર્યાદા નક્કી કરી છે. રાજ્ય સરકારે ચાર ચૂંટણી અધિકારીઓ સામે એફઆઇઆર દાખલ કરવા માટે ૧૭ ફેબ્રુઆરી સુધીમાં કાર્યવાહી કરવી પડશે. વારંવાર યાદ અપાવવા છતાં બેદરકારી દાખવવામાં આવ્યા બાદ પંચે એફઆઆર દાખલ કરવાની સમયમર્યાદા નક્કી કરી છે.
ભારતના ચૂંટણી પંચે પશ્ચિમ બંગાળ સરકારને ચૂંટણી અધિકારીઓ સામે એફઆઇઆર દાખલ કરવાની સમયમર્યાદા નક્કી કરી છે જેમની સામે પંચને રાજ્યમાં ચાલી રહેલા સ્પેશિયલ ઇન્ટેન્સીવ રિવિઝન દરમિયાન મતદાર યાદીમાં નકલી મતદારોના નામોના સમાવેશમાં સંડોવણીના નક્કર પુરાવા મળ્યા છે.
પશ્ચિમ બંગાળના મુખ્ય ચૂંટણી અધિકારીના કાર્યાલયના એક આંતરિક સૂત્રએ જણાવ્યું કે પંચે શનિવારે સાંજે રાજ્ય સચિવાલયને એક નવો સંદેશ મોકલ્યો, જેમાં આ ભૂલ કરનારા ચૂંટણી અધિકારીઓ સામે એફઆઇઆર દાખલ કરવાની અંતિમ તારીખ ૧૭ ફેબ્રુઆરી (મંગળવાર) નક્કી કરવામાં આવી.ઇસીઆઇએ શોધી કાઢ્યું કે આ ચાર ભૂલ કરનારા ચૂંટણી અધિકારીઓ સામે fri દાખલ કરવા માટે વારંવાર યાદ અપાવવા છતાં, રાજ્ય સરકાર કાર્યવાહી શરૂ કરવામાં બેદરકારી દાખવી રહી હતી. તેથી, પંચે તેમની સામે એફઆઇઆર દાખલ કરવાની અંતિમ તારીખ નક્કી કરવાનો નિર્ણય લીધો,સીઇઓના કાર્યાલયના આંતરિક સૂત્રએ જણાવ્યું.
એફઆઆરઆર દાખલ કરવાનો આદેશ આપવામાં આવેલા ચાર અધિકારીઓમાંથી બે દક્ષિણ ૨૪ પરગણા જિલ્લાના બરુઈપુર પૂર્વ વિધાનસભા મતવિસ્તારના ચૂંટણી નોંધણી અધિકારી દેવોત્તમ દત્તા ચૌધરી અને તે જ મતવિસ્તારના સહાયક ચૂંટણી નોંધણી અધિકારી છે. અન્ય બે પૂર્વ મિદનાપુર જિલ્લાના મોયના વિધાનસભા મતવિસ્તારના ઇઆરઓ બિપ્લબ સરકાર અને તે જ મતવિસ્તારના એઇઆરઓ સુદિપ્ત દાસ છે.
નોંધનીય છે કે ગયા વર્ષે ઓગસ્ટમાં, નવી દિલ્હીમાં ભારતીય ચૂંટણી પંચના મુખ્ય મથકે પશ્ચિમ બંગાળ સરકારને આ ચાર ચૂંટણી અધિકારીઓને સસ્પેન્ડ કરવા અને તેમની સામે એફઆઇઆર દાખલ કરવાનો નિર્દેશ આપ્યો હતો. અધિકારીઓ પર મતદાર યાદીઓ સાથે છેડછાડ કરવાનો આરોપ હતો. આ આરોપોના આધારે,ઇસીઆઇએ અધિકારીઓ સામે સસ્પેન્ડ અને એફઆઇઆર દાખલ કરવાનો આદેશ આપ્યો હતો. મુખ્યમંત્રી મમતા બેનર્જીએ તે સમયે ઇસીઆઇના નિર્દેશની ટીકા કરી હતી, અને ચૂંટણી પંચ પર “ભાજપના બંધુઆ મજૂર” તરીકે કામ કરવાનો આરોપ લગાવ્યો હતો. તેમણે એમ પણ કહ્યું હતું કે તેમની સરકાર તેના કર્મચારીઓ સામે કાર્યવાહી કરશે નહીં.
