મહિલા પ્રીમિયર લીગ (ડબ્લ્યુપીએલ) ની ચોથી સીઝન શરૂ થઈ ગઈ છે. ચાલુ સીઝનના બીજા મેચમાં યુપી વોરિયર્સ ટીમનો સામનો ગુજરાત જાયન્ટ્સ સામે થયો. આ મેચમાં,યુપી વોરિયર્સની કેપ્ટન મેગ લેનિંગે ઇતિહાસ રચ્યો. તે ટુર્નામેન્ટના ઇતિહાસમાં સૌથી વધુ રન બનાવનારી ઓસ્ટ્રેલિયન બેટ્સમેન બની. એકંદરે, તે યાદીમાં બીજા ક્રમે છે, આ સંદર્ભમાં એલિસ પેરીને પાછળ છોડી દે છે.
મેગ લેનિંગ ૨૦૨૩ થી ડબ્લ્યુપીએલમાં કુલ ૨૮ મેચ રમી છે, જેમાં ૩૯.૨૮ ની સરેરાશથી ૯૮૨ રન બનાવ્યા છે, જેમાં નવ અડધી સદીનો સમાવેશ થાય છે. એલિસ પેરીએ ૨૫ મેચોમાં ૬૪.૮૦ ની સરેરાશથી ૯૭૨ રન બનાવ્યા છે. નેટ સાયવર બ્રન્ટ યાદીમાં ટોચ પર છે, તેણે ૩૧ મેચોમાં નવ અડધી સદી સાથે ૧,૧૦૧ રન બનાવ્યા છે. બ્રન્ટ હાલમાં એકમાત્ર બેટ્સમેન છે જેણે આ ટુર્નામેન્ટમાં એક હજારથી વધુ રન બનાવ્યા છે. હવે, મેગ લેનિંગ આગામી મેચોમાં નંબર વન પોઝિશન પર પહોંચવાનું લક્ષ્ય રાખશે.
મેગ લેનિંગે ડબ્લ્યુપીએલમાં બેટિંગ અને કેપ્ટનશીપ બંનેમાં શાનદાર પ્રદર્શન કર્યું છે. તેણીએ આ ટુર્નામેન્ટમાં ત્રણ સીઝન સુધી દિલ્હી કેપિટલ્સની કેપ્ટનશીપ કરી છે, ત્રણેય વખત ફાઇનલમાં પહોંચી છે. જા કે, દિલ્હીની ટીમ એક પણ વખત ટાઇટલ જીતવામાં નિષ્ફળ રહી. આ સિઝનમાં મેગ લેનિંગની કેપ્ટનશીપ હેઠળ યુપી ટીમ કેવું પ્રદર્શન કરે છે તે જાવાનું બાકી છે.
યુપી વોરિયર્સ અને ગુજરાત જાયન્ટ્સ વચ્ચે રમાયેલી મેચમાં, ગુજરાત જાયન્ટ્સે ૪ વિકેટ ગુમાવીને ૨૦૭ રન બનાવ્યા. કેપ્ટન એશ્લે ગાર્ડનરે ૪૧ બોલમાં ૩ છગ્ગા અને ૬ ચોગ્ગા સાથે ૬૫ રન બનાવ્યા, જ્યારે અનુષ્કા શર્માએ ૪૪ રનનું યોગદાન આપ્યું. આ ઉપરાંત, સોફી ડિવાઈને ૩૮ રન બનાવ્યા. જવાબમાં, યુપી વોરિયર્સ ૨૦ ઓવરમાં ૮ વિકેટ ગુમાવીને ૧૯૭ રન જ બનાવી શકયું, જેના કારણે મેચ ૧૦ રનથી હારી ગઈ. ટીમ તરફથી ફોબી લિચફિલ્ડે સૌથી વધુ ૭૮ રન બનાવ્યા, જ્યારે કેપ્ટન મેગ લેનિંગ ૩૦ રન બનાવીને આઉટ થઈ ગઈ.
