શેરબજારમાં હાલમાં ત્રિમાસિક પરિણામો જાવા મળી રહ્યા છે. પરિણામોના આધારે, વિવિધ કંપનીઓના શેરમાં વધઘટ થઈ રહી છે. આ વધઘટના વલણ વચ્ચે આંધ્ર પ્રદેશના મુખ્યમંત્રી ચંદ્રબાબુ નાયડુના પત્ની ભુવનેશ્વરીએ માત્ર એક જ દિવસમાં ૭૮.૮ કરોડ રૂપિયાની કમાણી કરીને બધાને આશ્ચર્યચકિત કરી દીધા છે. તેમણે આ પૈસા શેરબજારમાં લિસ્ટેડ એફએમસીજી કંપની હેરિટેજ ફૂડ્સના શેરમાં થયેલા વધારાથી મેળવ્યા છે. ભુવનેશ્વરીને આ કંપનીના નફામાંથી સૌથી વધુ ફાયદો મળ્યો છે.
હેરિટેજ ફૂડ્સે નાણાકીય વર્ષ ૨૦૨૫-૨૬ માટે તેના ત્રિમાસિક પરિણામો જાહેર કર્યા છે. કંપનીએ આ ક્વાર્ટરમાં શાનદાર પ્રદર્શન કર્યું હતું, જેના કારણે શેરમાં જબરદસ્ત ઉછાળો જાવા મળ્યો હતો. નાણાકીય વર્ષ ૨૦૨૫-૨૬ માટે કંપનીના પ્રથમ ક્વાર્ટરના પરિણામોએ રોકાણકારોને એટલા ઉત્સાહિત કર્યા કે, શેર સીધો ૨૦% ના અપર સર્કિટે પહોંચી ગયો.
હેરિટેજ ફૂડ્સની સ્થાપના વર્ષ ૧૯૯૨માં ચંદ્રબાબુ નાયડુ દ્વારા કરવામાં આવી હતી. આ કંપની હાલમાં દક્ષિણ ભારતની સૌથી મોટી ડેરી કંપનીઓમાં ગણાય છે. દૂધ, દહીં, લસ્સી, પનીર, માખણ અને આઈસ્ક્રીમ જેવા હ્લસ્ઝ્રય્ ઉત્પાદનોનું ઉત્પાદન કરતી આ કંપની હજુ પણ નાયડુ પરિવારના નિયંત્રણ હેઠળ છે.
સીએમ નાયડુના પત્ની ભુવનેશ્વરી આ કંપનીના સૌથી મોટા શેરહોલ્ડર છે. તેમની પાસે કંપનીમાં ૫૧.૬૪% હિસ્સો એટલે કે ૧,૯૧,૨૬,૪૮૩ શેર છે. ૧૨ જુલાઈના રોજ હેરિટેજ ફૂડ્સના શેર ૪૩૦ પર બંધ થયા હતા પરંતુ ૧૫ જુલાઈના રોજ કંપનીએ તેના શાનદાર કયુ ૧એફવાય ૨૬ પરિણામો રજૂ કરતાની સાથે જ શેર ૨૦% વધીને ૫૧૬.૩૦ પર પહોંચી ગયો. જા કે, પાછળથી પ્રોફિટ બુકિંગ થયું અને શેરનો ભાવ નીચે આવ્યો પરંતુ ૧૮ જુલાઈના રોજ કંપનીનો શેર ૭.૧૭% ના વધારા સાથે ૪૯૧.૯૦ પર બંધ થયો. હેરિટેજ ફૂડ્સના શેરના ભાવમાં થયેલા વધારાને કારણે ભુવનેશ્વરીના હોલ્ડીંગની વેલ્યૂ રૂ. ૭૮.૮ કરોડ વધી છે.
હેરિટેજ ફૂડ્સે કયુ૧એફવાય ૨૬ માં શાનદાર પ્રદર્શન કર્યું અને રૂ. ૨૯.૬ કરોડનો ચોખ્ખો નફો નોંધાવ્યો, જે વાર્ષિક ધોરણે ૬૭% ની ગ્રોથ દર્શાવે છે. આ સાથે, કંપનીની કુલ આવક રૂ. ૮૧૪ કરોડ થઈ. ઇબીઆઇટીડીએ માર્જિન ૭.૩% રહ્યું, જે ગયા વર્ષના સમાન ત્રિમાસિક ગાળા કરતા ૫.૧% વધુ છે. કંપનીના વિકાસ માટેના ત્રણ સૌથી મોટા કારણો છે, પ્રથમ ઉત્પાદનના જથ્થામાં ૧૧% ની ગ્રોથ, આ ઉપરાંત વધુ સારી પ્રોડક્ટ મિક્સ અને ઓપરેશનલ કાર્યક્ષમતાથી પણ કંપનીને ફાયદો થયો છે.
૪,૫૦૦ કરોડ રૂપિયાના માર્કેટ કેપ અને ૨૬ એક પી ઇ સાથે કંપનીનો આરઓઇ ૨૦% અને આરઓસીઇ ૨૫% છે. હેરિટેજ ફૂડ્સની ડેરી ક્ષમતા ૨૭.૮ લાખ લિટર પ્રતિ દિવસ છે. આ ઉપરાંત, કંપનીએ ડેરીની સાથે રિન્યુએબલ એનર્જી અને એનિમલ ફીડ ક્ષેત્રમાં પણ પગલા લીધા છે. આમ, હેરિટેજ ફૂડ્સ એક મિડકેપ હ્લસ્ઝ્રય્ સ્ટોક તરીકે ઉભરી રહ્યો છે જે બ્રાન્ડ વેલ્યુ અને રિટેલ નેટવર્ક બંનેમાં મજબૂત છે.
