માઓવાદીઓની મહારાષ્ટ્ર , મધ્યપ્રદેશ, છત્તીસગઢ સ્પેશિયલ ઝોનલ કમિટી, અથવા એમએમસી ઝોન” કમિટીએ મહારાષ્ટ્ર ના મુખ્યમંત્રી દેવેન્દ્ર ફડણવીસ, મધ્યપ્રદેશના મુખ્યમંત્રી મોહન યાદવ અને છત્તીસગઢના મુખ્યમંત્રી વિષ્ણુ દેવ સાંઈને પત્ર લખ્યો છે. આ પત્રમાં, તેઓએ તેમના બે વરિષ્ઠ સાથીઓ, મહારાષ્ટ્ર માં આત્મસમર્પણ કરનારા ભૂપતિ અને છત્તીસગઢમાં આત્મસમર્પણ કરનારા સતીશના પગલે ચાલીને શરણાગતિ સ્વીકારવાની ઇચ્છા વ્યક્ત કરી હતી.એમએમસી ઝોનના બધા માઓવાદીઓ સામૂહિક રીતે શરણાગતિ સ્વીકારશે. જાકે, આ પત્ર દ્વારા, એમએમસી ઝોનના માઓવાદીઓએ એકબીજા સાથે વાતચીત કરવા માટે ૧૫ ફેબ્રુઆરી, ૨૦૨૬ ની સમયમર્યાદા માંગી છે. આ સમયમર્યાદા સુધી સુરક્ષા દળોની કાર્યવાહી હાથ ધરવામાં ન આવે. માઓવાદીઓએ મુખ્યમંત્રી દેવેન્દ્ર ફડણવીસ અને બંને મુખ્યમંત્રીઓને થોડા દિવસો માટે ન્યૂઝ નેટવર્ક બંધ કરવાની પણ વિનંતી કરી છે.માઓવાદીઓનો પીએલજીએ સપ્તાહ ટૂંક સમયમાં આવી રહ્યો છે. આ સમય દરમિયાન, માઓવાદીઓએ સુરક્ષા દળોને માઓવાદીઓ વિરુદ્ધ વાર્ષિક કાર્યવાહી ન કરવા વિનંતી કરી છે. આ પત્ર દ્વારા, તેઓએ ખાતરી આપી છે કે તેઓ આ વર્ષે પીએલજીએ સપ્તાહ ઉજવશે નહીં. માઓવાદીઓએ આ પત્રમાં એમ પણ જણાવ્યું હતું કે તેઓ ટૂંક સમયમાં સામૂહિક શરણાગતિ માટેની તારીખ જાહેર કરતો બીજા પત્ર મોકલશે.૧૫ ફેબ્રુઆરી, ૨૦૨૬ ની સમયમર્યાદા લાંબી લાગે છે, પરંતુ તે ૩૧ માર્ચ, ૨૦૨૬ ની અંદર છે, જે કેન્દ્ર સરકાર દ્વારા માઓવાદી મુક્ત ભારત માટે નક્કી કરવામાં આવી છે. તેથી, જા ત્રણેય રાજ્યોની સરકારો એમએમસી ઝોનમાં માઓવાદીઓને આટલો સમય આપે છે, તો માઓવાદીઓએ મોટા પાયે સામૂહિક શરણાગતિ કરવાની તૈયારી દર્શાવી છે.
