અશ્લીલ વીડિયો બનાવીને અને બ્લેકમેલ કરીને સામૂહિક બળાત્કારનો સનસનાટીભર્યો કિસ્સો પ્રકાશમાં આવ્યો
મધ્યપ્રદેશની રાજધાની ભોપાલના રાયસેન રોડ પર સ્થિત ટીઆઈટી કોલેજમાંથી એક હૃદયદ્રાવક ઘટના પ્રકાશમાં આવી છે. આ કિસ્સો એટલો ભયાનક છે કે તે આપણને ૧૯૯૨ના કુખ્યાત અજમેર બળાત્કાર કેસની યાદ અપાવે છે.આઇઆઇટી કોલેજમાં એક સંગઠિત ગેંગે કથિત રીતે હિન્દુ વિદ્યાર્થિનીઓને પ્રેમ જાળમાં ફસાવી, તેમના પર બળાત્કાર કર્યો, અશ્લીલ વીડિયો બનાવ્યા અને આ વીડિયોનો ઉપયોગ કરીને તેમના મિત્રો અને બહેનોને બ્લેકમેલ કર્યા. પોલીસે આ કેસમાં બે મુખ્ય આરોપીઓ ફરહાન ખાન અને મોહમ્મદ સાદની ધરપકડ કરી છે અને એસઆઇટી આ મામલાની સંપૂર્ણ તપાસ કરી રહી છે.
આ સનસનાટીભર્યો કિસ્સો ત્યારે પ્રકાશમાં આવ્યો જ્યારે ૧૭ એપ્રિલ, ૨૦૨૫ ના રોજ, બેતુલના એક ૨૦ વર્ષીય વિદ્યાર્થીએ હિંમત ભેગી કરી અને બાગસેવાનિયા પોલીસ સ્ટેશનમાં એફઆઇઆર નોંધાવી. પીડિતાએ જણાવ્યું કે ફરહાન ખાને ૨૦૨૨ માં તેને પ્રેમ જાળમાં ફસાવી અને જહાંગીરાબાદમાં તેના મિત્ર હમીદના ઘરે લઈ ગયો અને તેના પર બળાત્કાર ગુજાર્યો. આ સમય દરમિયાન, તેનો અશ્લીલ વીડિયો બનાવવામાં આવ્યો હતો, અને તેને સોશિયલ મીડિયા પર વાયરલ કરવાની ધમકી આપીને તેનું જાતીય શોષણ કરવામાં આવ્યું હતું. એટલું જ નહીં, ફરહાને તેની બહેનને પણ આ જ રીતે બ્લેકમેલ કરીને તેનો શિકાર બનાવી. જ્યારે પીડિતાએ ફરહાનના મોબાઈલમાં અન્ય છોકરીઓના અશ્લીલ વીડિયો જાયા, ત્યારે તેણે પોલીસમાં ફરિયાદ નોંધાવવાનું નક્કી કર્યું.
પોલીસ તપાસમાં જાણવા મળ્યું છે કે આરોપીઓએ હિન્દુ વિદ્યાર્થિનીઓને આયોજનબદ્ધ રીતે નિશાન બનાવી હતી. સૂત્રોના જણાવ્યા અનુસાર, પીડિતોને ગાંજા, દારૂ જેવા નશીલા પદાર્થો આપવામાં આવ્યા હતા અને માંસ, ખાસ કરીને મટન ખાવા માટે દબાણ કરવામાં આવ્યું હતું. કેટલાક પીડિતોએ આરોપ લગાવ્યો હતો કે તેમના પર ધર્મ પરિવર્તન માટે દબાણ પણ કરવામાં આવ્યું હતું. બેતુલની બે સગી બહેનોએ જણાવ્યું કે ફરહાન અને તેના સાથીઓએ તેમને ગાંજા પીવડાવ્યા, માંસ ખવડાવ્યું અને પછી ગેંગના અન્ય સભ્યોને સોંપી દીધા. તેણીએ કહ્યું કે અન્ય લોકોએ પણ તેનું જાતીય શોષણ કર્યું હતું. આરોપીઓના કૃત્યોનો અંદાજ એ વાત પરથી લગાવી શકાય છે કે પીડિતાઓમાંથી એકે ડરના કારણે ત્રીજા વર્ષમાં અભ્યાસ છોડી દીધો હતો.
મામલાની ગંભીરતા જાઈને ભોપાલ પોલીસે તાત્કાલિક કાર્યવાહી કરી. બાગસેવાનિયા, અશોકા ગાર્ડન અને જહાંગીરાબાદ પોલીસ સ્ટેશનમાં બીએનએસ પોસ્કો એક્ટ, આઇટી એક્ટ અને મધ્યપ્રદેશ ધર્મ સ્વતંત્રતા અધિનિયમની કલમો હેઠળ ત્રણ એફઆઇઆર નોંધવામાં આવી છે. ચોથા પીડિતનું કાઉન્સેલિંગ ચાલુ છે, ત્યારબાદ બીજી એફઆઇઆર નોંધાઈ શકે છે. પોલીસે મુખ્ય આરોપી ફરહાન ખાન, જે ટીઆઈટી કોલેજનો વિદ્યાર્થી છે અને જહાંગીરાબાદનો રહેવાસી છે, તેની સાથે ખાનગી કર્મચારી અને અશોકા ગાર્ડનના રહેવાસી મોહમ્મદ સાદની પણ ધરપકડ કરી છે. પોલીસને આરોપીઓના મોબાઈલ ફોનમાંથી ૧૦ થી ૧૫ અન્ય છોકરીઓના અશ્લીલ વીડિયો મળી આવ્યા છે, જેની સાયબર ફોરેન્સીક ટીમ તપાસ કરી રહી છે.
ડીસીપી ઝોન-૨ સંજય અગ્રવાલે જણાવ્યું હતું કે, ‘એક સગીર પીડિતાની ફરિયાદ પર બાગસેવાનિયા પોલીસ સ્ટેશનમાં શૂન્ય એફઆઈઆર નોંધવામાં આવી છે.’ પોક્સો અને બળાત્કારની કલમો હેઠળ કાર્યવાહી શરૂ કરવામાં આવી છે. વીડિયો દ્વારા બ્લેકમેલિંગની પુષ્ટિ થઈ છે, અને એસઆઇટી તેની સંપૂર્ણ તપાસ કરી રહી છે જેથી બધા ગુનેગારોની ધરપકડ કરી શકાય. પોલીસના જણાવ્યા અનુસાર, આ કેસ ૧૯૯૨ ના અજમેર બળાત્કાર કેસ જેવો જ છે, જ્યાં એક ગેંગે વિદ્યાર્થિનીઓને પ્રેમ જાળમાં ફસાવી, તેમના અશ્લીલ વીડિયો બનાવ્યા અને બ્લેકમેલ કરીને તેમના મિત્રોને પણ નિશાન બનાવ્યા. ભોપાલમાં પણ, આરોપીઓએ પહેલા એક વિદ્યાર્થીનીને ફસાવી, તેનો વીડિયો બનાવ્યો અને પછી તેણીને તેના મિત્રો સાથે પરિચય કરાવવા દબાણ કર્યું.
ભોપાલના ભાજપના ધારાસભ્ય રામેશ્વર શર્માએ આ ઘટનાને ‘કેરળ સ્ટોરી જેવું કાવતરું’ ગણાવ્યું છે અને આરોપીઓને જાહેર સજા આપવાની માંગ કરી છે. તેમણે કહ્યું, ‘જે લોકોએ આપણી દીકરીઓનો વીડિયો બનાવીને અપમાન કર્યો છે તેમને બંધ રૂમમાં કેમ રાખવામાં આવી રહ્યા છે?’ તેની મારપીટ જાહેરમાં થવી જાઈએ. આ કોઈ અલગ ઘટના નથી; આવી ત્રણ ઘટનાઓ બની છે. સરકાર દરેક દ્રષ્ટિકોણથી તપાસ કરી રહી છે, અને કોઈ પણ ગુનેગારને બક્ષવામાં આવશે નહીં. મધ્યપ્રદેશ સરકારના મંત્રી વિશ્વાસ કૈલાશ સારંગે કહ્યું, ‘પોલીસે તાત્કાલિક આરોપીની ધરપકડ કરી.’ આ ષડયંત્રની દરેક કડીનો પર્દાફાશ થાય તે માટે એસઆઇટીની રચના કરવામાં આવી છે. મધ્યપ્રદેશમાં લવ જેહાદ જેવા કૃત્યો સહન કરવામાં આવશે નહીં.
