સુપ્રીમ કોર્ટે બુધવારે ભૂતપૂર્વ ભારતીય વહીવટી સેવા તાલીમાર્થી અધિકારી પૂજા ખેડકરને આગોતરા જામીન આપ્યા છે. ખેડકર પર સિવિલ સર્વિસીસ પરીક્ષામાં છેતરપિંડી કરવાનો અને અન્ય પછાત વર્ગો અને અપંગતા શ્રેણીઓ હેઠળ અનામતનો દુરુપયોગ કરવાનો આરોપ છે. ન્યાયાધીશ બી.વી. નાગરત્ના અને સતીશ ચંદ્ર શર્માની બેન્ચે ખેડકરને તપાસમાં સહકાર આપવાનો નિર્દેશ આપ્યો. બેન્ચે પૂછ્યું કે તેણે કયો ગંભીર ગુનો કર્યો છે? તે ડ્રગ માફિયા કે આતંકવાદી નથી. તેણે ૩૦૨ (હત્યા) કરી નથી. તે એનડીપીએસ (નાર્કોટિક ડ્રગ્સ અને સાયકોટ્રોપિક સબસ્ટન્સ) ગુનેગાર નથી. તમારી પાસે કોઈ સિસ્ટમ અથવા સોફ્ટવેર હોવું જરૂરી છે. તમે તપાસ પૂર્ણ કરો. તેણે બધું ગુમાવી દીધું છે અને તેને ક્યાંય નોકરી મળશે નહીં. બેન્ચે કહ્યું કે કેસના તથ્યો અને સંજાગોને ધ્યાનમાં લેતા, આ એક યોગ્ય કેસ છે જ્યાં દિલ્હી હાઈકોર્ટે અરજદારને જામીન આપવા જાઈએ.
દિલ્હી પોલીસના વકીલે ખેડકરને આગોતરા જામીન આપવાનો સખત વિરોધ કર્યો, અને કહ્યું કે તે તપાસમાં સહકાર આપી રહી નથી અને તેની સામેના આરોપો ગંભીર છે. ખેડકર પર આરોપ છે કે તેમણે ૨૦૨૨ માં યુનિયન પબ્લિક સર્વિસ કમિશનની સિવિલ સર્વિસ પરીક્ષા માટે અનામતનો લાભ મેળવવા માટે પોતાની અરજીમાં ખોટી માહિતી આપી હતી. તેમણે પોતાના પર લાગેલા તમામ આરોપોને નકારી કાઢ્યા છે.
યુપીએસસીએ ખેડકર સામે અનેક પગલાં લીધાં, જેમાં નકલી ઓળખનો ઉપયોગ કરીને સિવિલ સર્વિસ પરીક્ષામાં બેસવા બદલ ફોજદારી કેસ દાખલ કરવાનો પણ સમાવેશ થાય છે. દિલ્હી પોલીસે તેમની વિરુદ્ધ વિવિધ ગુનાઓ માટે એફઆઇઆર પણ નોંધી છે.
