૨૦૩૦ કોમનવેલ્થ ગેમ્સઃ ભારતીય રમતગમત ચાહકો માટે સારા સમાચાર. ભારતને ૨૦૩૦ કોમનવેલ્થ ગેમ્સનો પુરસ્કાર આપવામાં આવ્યો છે. ભારતના વિદેશ મંત્રી એસ. જયશંકરે નાતાલના દિવસે આ મહત્વપૂર્ણ જાહેરાત કરી. એસ. જયશંકરે તેને ભારત માટે ગર્વની ક્ષણ ગણાવી. ભારત બીજી વખત કોમનવેલ્થ ગેમ્સનું આયોજન કરશે. ભારતે અગાઉ ૨૦૧૦ માં કોમનવેલ્થ ગેમ્સનું આયોજન કર્યું હતું, જ્યારે આ ગેમ્સ દિલ્હીમાં યોજાઈ હતી.એસ. જયશંકરે તેમની પોસ્ટમાં લખ્યું હતું કે, “ભારત અમદાવાદમાં કોમનવેલ્થ ગેમ્સનું આયોજન કરશે, જે ભારત અને ગુજરાત માટે ગર્વની ક્ષણ છે. આ વડા પ્રધાન નરેન્દ્ર મોદીના વિશ્વ કક્ષાના માળખાગત વિકાસ અને રમતગમત પ્રતિભાને પ્રોત્સાહન આપવાના વિઝનનો પુરાવો છે. કોમનવેલ્થ ગેમ્સનું આયોજન ભારતને તેના ઓલિમ્પિક હોસ્ટીંગ લક્ષ્યોને પ્રાપ્ત કરવામાં નોંધપાત્ર રીતે મદદ કરશે. ભારતનું આગામી મુખ્ય લક્ષ્ય પ્રથમ વખત ઓલિમ્પિક ગેમ્સનું આયોજન કરવાનું છે.”ગુજરાતના મુખ્યમંત્રી ભૂપેન્દ્ર પટેલે પણ અમદાવાદને કોમનવેલ્થ ગેમ્સનો ખિતાબ મળવા પર ખુશી વ્યક્ત કરી હતી. તેમણે સોશિયલ મીડિયા પર લખ્યું હતું કે, “ગુજરાત અને ભારત માટે ગર્વની ક્ષણ! કોમનવેલ્થ ગેમ્સના એક્સિક્યુંટીવટિવ બોર્ડે ૨૦૩૦ કોમનવેલ્થ ગેમ્સ માટે પ્રસ્તાવિત યજમાન શહેર તરીકે અમદાવાદની ભલામણ કરી છે. આ ઐતિહાસિક સિદ્ધિ અમદાવાદને ભારતની રમતગમત રાજધાની બનાવવાના અમારા વિઝનને આગળ ધપાવે છે.” માનનીય પ્રધાનમંત્રી શ્રી નરેન્દ્ર મોદીનો તેમના દૂરંદેશી નેતૃત્વ અને વૈશ્વિક રમતગમત શ્રેષ્ઠતા પ્રત્યે ભારતની અતૂટ પ્રતિબદ્ધતા બદલ હૃદયપૂર્વક આભાર.નોંધનીય છે કે ૨૦૨૬ કોમનવેલ્થ ગેમ્સ ગ્લાસગો, સ્કોટલેન્ડમાં યોજાશે. ૭૪ દેશોના ૩,૦૦૦ થી વધુ ખેલાડીઓ ભાગ લે તેવી અપેક્ષા છે. ત્યારબાદ ૨૦૩૦ માં હજારો ખેલાડીઓ અમદાવાદમાં ભેગા થશે. ૨૦૩૦ કોમનવેલ્થ ગેમ્સનું શતાબ્દી વર્ષ હશે. આ રમતો સૌપ્રથમ ૧૯૩૦ માં કેનેડાના હેમિલ્ટનમાં યોજાઈ હતી. જાકે, બ્રિટિશ ભારતે તે સમયે ભાગ લીધો ન હતો. ભારતે સૌપ્રથમ ૧૯૩૪ માં લંડનમાં કોમનવેલ્થ ગેમ્સમાં બ્રિટિશ ભારત તરીકે ભાગ લીધો હતો.
