દક્ષિણ અમેરિકન દેશ બ્રાઝિલ એક ભયાનક કુદરતી આફતનો સામનો કરી રહ્યો છે. દક્ષિણપૂર્વ બ્રાઝિલમાં વિનાશક પૂરથી મૃત્યુઆંક વધી રહ્યો છે. અત્યાર સુધીમાં ૪૬ લોકો મૃત્યુ પામ્યા છે. ઘણા ગુમ છે અને તેમની શોધ ચાલુ છે. સેંકડો લોકોને તેમના ઘર છોડવાની ફરજ પડી છે. દક્ષિણપૂર્વ બ્રાઝિલના મિનાસ ગેરાઈસ રાજ્યમાં આવેલા વિનાશક પૂરથી મૃત્યુઆંક વધી રહ્યો છે.
દક્ષિણ બ્રાઝિલમાં ભારે વરસાદ અને અચાનક પૂરથી ભારે તબાહી મચી ગયા બાદ મૃત્યુઆંક ૪૬ પર પહોંચી ગયો છે. હવામાનશાસ્ત્રી ઓએ ચેતવણી આપી છે કે આગામી થોડા દિવસોમાં આ પ્રદેશમાં વધુ વરસાદની અપેક્ષા છે. દરમિયાન, મિનાસ ગેરાઇસ રાજ્યમાં બચાવ કામગીરી ચાલી રહી છે. બચાવ કાર્યકરો પરિÂસ્થતિને કાબૂમાં લેવાનો પ્રયાસ કરી રહ્યા છે. બચાવ કામગીરી ઝડપી ગતિએ ચાલુ છે, અને ઘરો અને નગરો કાદવ અને કાટમાળથી ઢંકાયેલા છે.
શરૂઆતમાં, બ્રાઝિલના ફાયર વિભાગે સુધારેલા મૃત્યુઆંક પ્રકાશિત કર્યા હતા, જેમાં જણાવાયું હતું કે આશરે ૨૧ લોકો હજુ પણ ગુમ છે. બુધવારે રાજ્ય ફાયર વિભાગ દ્વારા જાહેર કરાયેલા આંકડા અનુસાર, દક્ષિણપૂર્વ બ્રાઝિલના મિનાસ ગેરાઇસ રાજ્યમાં ભારે વરસાદથી મૃત્યુઆંક ૪૬ પર પહોંચી ગયો છે. ફાયર વિભાગે અહેવાલ આપ્યો હતો કે જુઇઝ ડી ફોરા અને ઉબા શહેરોમાં પૂર અને ભૂસ્ખલનને કારણે આશરે ૩,૬૦૦ લોકો વિસ્થાપિત થયા હતા, જે લગભગ ૧૧૦ કિલોમીટર (૬૮ માઇલ) દૂર સ્થિત છે, જ્યારે ૨૧ લોકો હજુ પણ ગુમ છે.
મૃતકોમાં ૧૧ વર્ષનો બર્નાર્ડો લોપેસ દુત્રા પણ હતો, જેનું ઘર વરસાદને કારણે તૂટી પડ્યું હતું. દુત્રાની પત્ની અને પુત્રી હજુ પણ હોસ્પિટલ માં દાખલ છે. જુઇઝ ડી ફોરામાં અંતિમ સંસ્કાર દરમિયાન પિતા રિકાર્ડો દુત્રાએ કહ્યું કે આ એક દુર્ઘટના હતી જેની કોઈએ અપેક્ષા રાખી ન હતી. તેમણે બર્નાર્ડોને એક મોટા દિલનો છોકરો ગણાવ્યો જેણે પોતાની અનોખી રીતે તેની આસપાસના દરેકને પ્રભાવિત કર્યા.
દરમિયાન, બ્રાઝિલના રાષ્ટ્રપતિ લુઇઝ ઇનાસિયો લુલા દા સિલ્વાએ જણાવ્યું હતું કે બચાવ કામગીરીમાં સુરક્ષા દળોને તૈનાત કરવામાં આવ્યા છે અને વરસાદથી પ્રભાવિત વસ્તીને તાત્કાલિક સહાય પૂરી પાડી રહ્યા છે. તેમણે એમ પણ કહ્યું કે આરોગ્ય સંભાળ ટીમોને પણ ટેકરીઓ, ખીણો અને ઢોળાવની નજીક આવેલા વિસ્તારમાં મોકલવામાં આવી છે.
