ઓસ્ટ્રેલિયન ક્રિકેટ ટીમ અને અંગ્રેજી ટીમ વચ્ચે એશિઝ શ્રેણીની ત્રીજી મેચ એડિલેડ મેદાન પર રમાઈ રહી છે. આ મેચમાં, ઓસ્ટ્રેલિયન ટીમે પહેલા બેટિંગ કરીને ૩૭૧ રન બનાવ્યા. ત્યારબાદ બેન સ્ટોક્સની લડાયક ઇનિંગ્સના કારણે ઇંગ્લેન્ડ ફક્ત ૨૮૬ રન જ બનાવી શકયું.આનાથી ઓસ્ટ્રેલિયાને પ્રથમ ઇનિંગ્સમાં ૮૫ રનની લીડ મળી.ત્રીજી ટેસ્ટમાં ઇંગ્લેન્ડની શરૂઆત નબળી રહી, જેમાં ઝેક ક્રોલી અને ઓલી પોપ વહેલા ગુમાવી દીધા. ત્યારબાદ જા રૂટ ૧૯ અને હેરી બ્રુક ૪૫ રન બનાવીને આઉટ થયા. ઇંગ્લેન્ડે માત્ર ૧૬૮ રનમાં આઠ વિકેટ ગુમાવી દીધી ત્યારે તેની સ્થિત વધુ ખરાબ થઈ ગઈ. આ પછી, ઇંગ્લેન્ડના કેપ્ટન બેન સ્ટોક્સ અને જાફ્રા આર્ચરે ક્રીઝ પર સતત બેટિંગ કરી.જેમ જેમ એક છેડે વિકેટ પડતી રહી, બેન સ્ટોક્સે એક છેડે રહેવાનું નક્કી કર્યું અને ખૂબ જ ધીમી બેટિંગ કરી. તેણે ૧૫૯ બોલમાં તેની અડધી સદી પૂરી કરી, જે તેની ટેસ્ટ કારકિર્દીની સૌથી ધીમી અડધી સદી હતી. અગાઉ, તેણે ૨૦૧૯ માં ઓસ્ટ્રેલિયા સામેની ટેસ્ટ મેચમાં ૧૫૨ બોલમાં અડધી સદી ફટકારી હતી. હવે, સ્ટોક્સે તેની ધીમી બેટિંગથી તેના છ વર્ષ જૂના રેકોર્ડને તોડી નાખ્યો છે.ઓસ્ટ્રેલિયા સામેની પહેલી ઇનિંગમાં, બેન સ્ટોક્સે ૧૯૮ બોલમાં આઠ ચોગ્ગા સહિત કુલ ૮૩ રન બનાવ્યા. તેમને ૧૦ નંબર પર બેટિંગ કરવા આવેલા જાફ્રા આર્ચરનો સારો સાથ મળ્યો. આર્ચરે ૧૦૫ બોલમાં પાંચ ચોગ્ગા અને એક છગ્ગા સહિત કુલ ૫૧ રન બનાવ્યા. આ ખેલાડીઓના કારણે જ ઈંગ્લેન્ડે ૨૮૬ રનનો સ્કોર બનાવ્યો.બેન સ્ટોક્સે ૨૦૧૩ માં ઈંગ્લેન્ડ માટે ટેસ્ટ ડેબ્યૂ કર્યું હતું અને ત્યારથી તે ટીમમાં મહત્વપૂર્ણ ખેલાડી બની ગયો છે. તે તેની શક્તિશાળી બોલિંગ અને ઉત્તમ બેટિંગ માટે જાણીતો છે. તેણે ૧૧૮ ટેસ્ટ મેચમાં ૭૧૯૨ રન બનાવ્યા, જેમાં ૧૪ સદી અને ૩૭ અડધી સદીનો સમાવેશ થાય છે.
