બીસીસીઆઇ ક્રિકેટ જગતનું સૌથી ધનિક બોર્ડ છે અને સ્પોન્સરશિપ દ્વારા દર વર્ષે કરોડોની કમાણી કરે છે. તાજેતરમાં, બોર્ડે એપોલો ટાયર્સ સાથે જર્સી સ્પોન્સરશિપ ડીલ પર હસ્તાક્ષર કર્યા છે. આ ડીલથી તેમની કમાણીમાં કરોડોનો વધારો થયો છે. હવે, ફરી એકવાર, બીસીસીઆઇએ એક નવી કંપની સાથે કરાર પર હસ્તાક્ષર કર્યા છે, જે તેમની કમાણીમાં કરોડોનો વધારો કરવા માટે તૈયાર છે.બીસીસીઆઇ પાસે હવે એશિયન પેઇન્ટ્સના રૂપમાં એક નવું સ્પોન્સર છે.
બીસીસીઆઇએ એશિયન પેઇન્ટ્સ સાથે તેના નવા ભાગીદાર તરીકે કરાર કર્યો છે. આ સોદા અંગે સત્તાવાર જાહેરાત ૨૫ નવેમ્બરે સવારે ૧૧ વાગ્યે કરવામાં આવશે. એશિયન પેઇન્ટ્સ હવે બીસીસીઆઇના ભાગીદારોની વિવિધ યાદીમાં જાડાય છે, જેમાં કેમ્પા, એટોમબર્ગ અને એસબીઆઇ લાઇફ સહિતની મોટી કંપનીઓનો સમાવેશ થાય છે. એશિયન પેઇન્ટ્સ સાથેનો આ સોદો કરોડો રૂપિયાનો હોવાનો અંદાજ છે. બીસીસીઆઇને કેમ્પા તરફથી ૪૮ કરોડ રૂપિયા, એટોમબર્ગ તરફથી ૪૧ કરોડ રૂપિયા અને એસબીઆઇ લાઇફ તરફથી ૪૭ કરોડ રૂપિયા મળે છે. એશિયન પેઇન્ટ્સના ઉમેરા સાથે, સત્તાવાર ભાગીદારીમાંથી બીસીસીઆઇની કુલ કમાણી આશરે ૧૮૦ કરોડ રૂપિયા સુધી પહોંચી ગઈ છે.
ઓનલાઈન ગેમિંગ બિલ રજૂ થયા પછી ડ્રીમ-૧૧એ ટીમ ઇન્ડીયાના જર્સી સ્પોન્સર તરીકે પાછી ખેંચી લીધી. જેના કારણે ભારતીય ટીમ એશિયા કપમાં કોઈપણ જર્સી સ્પોન્સરશિપ વિના રમી રહી હતી. આ પછી, બીસીસીઆઇ એ સપ્ટેમ્બરના અંતમાં એપોલો ટાયર્સ સાથે કરાર કર્યો. આ કરાર ત્રણ વર્ષ માટે છે અને કુલ ૫૭૯ કરોડનો છે. એપોલો ટાયર્સ ટીમ ઈનડીયા માટે જર્સી સ્પોન્સર છે અને વેસ્ટ ઈનડીઝ સામેની ટેસ્ટ શ્રેણીથી આ ભૂમિકામાં છે. એશિયન પેઇન્ટ્સ હવે બીસીસીઆઈ માટે વધુ એક સ્પોન્સર બન્યું છે.
