કશિશ કપૂર, જેમણે બિગ બોસ ૧૮માં વાઇલ્ડ કાર્ડ સ્પર્ધક તરીકે પ્રવેશ કર્યા પછી લોકપ્રિયતા મેળવી હતી. તે એક ભારતીય અભિનેત્રી અને મોડેલ છે. તે ‘સ્ફસ્પ્લીટ્સવિલા ૧૫’ માં પણ જાવા મળી હતી. પોતાની સ્પષ્ટવક્તા શૈલીથી ખળભળાટ મચાવનાર કશિશ કપૂર અંગે એક ચોંકાવનારી ઘટના પ્રકાશમાં આવી છે. અભિનેત્રીના અંધેરીમાં આવેલા ઘરમાં ચોરી થઈ છે. આ ચોરી તેના ઘરના સહાયકે કરી છે જે હવે ૪ લાખ રૂપિયા લઈને ફરાર છે. કશિશે આ ઘટના અંગે મુંબઈ પોલીસને જાણ કરી હતી. આ ઉપરાંત, અંબોલી પોલીસ સ્ટેશનમાં કેસ નોંધવામાં આવ્યો છે.
પ્રાપ્ત પ્રાથમિક માહિતી અનુસાર, અંધેરીમાં રહેતી ટેલિવિઝન અભિનેત્રી કશિશ કપૂરના ઘરે કામ કરતી ગૃહ સહાયકે ૪ લાખ રૂપિયાની ચોરી કરી હતી. પોલીસે જણાવ્યું હતું કે અંધેરીમાં રહેતા કશિશ કપૂરના ઘરે કામ કરતી એક ગૃહ સહાયકે તેના ઘરમાંથી ૪ લાખ રૂપિયા રોકડા ચોરીને ફરાર થઈ ગઈ હતી. અંબોલી પોલીસે આરોપી સચિન કુમાર ચૌધરી સામે ચોરીનો કેસ નોંધ્યો છે અને ક્રાઈમ બ્રાન્ચની એક ખાસ ટીમે તેની શોધ પણ શરૂ કરી છે. સચિન કુમાર છેલ્લા પાંચ મહિનાથી અભિનેત્રીના ઘરે ઘરેલુ સહાયક તરીકે કામ કરતો હતો. તે સવારે ૧૧:૩૦ વાગ્યે ફરજ પર આવતો હતો અને પોતાનું કામ પૂરું કરીને બપોરે ૧:૦૦ વાગ્યે નીકળી જતો હતો. અંબોલી પોલીસ સ્ટેશનમાં નોંધાવેલી ફરિયાદ મુજબ, કશિશે તેના કબાટના ડ્રોઅરમાં રોકડ રકમ રાખી હતી અને ૬ જુલાઈના રોજ જ્યારે તેણે તપાસ કરી ત્યારે તેને ડ્રોઅરમાં ફક્ત ૭ લાખ રૂપિયા જ મળ્યા. જાકે, ૯ જુલાઈના રોજ જ્યારે તેણે બિહારમાં તેની માતાને મોકલવા માટે કેટલાક પૈસા કાઢવાનો પ્રયાસ કર્યો ત્યારે તેને ખબર પડી કે ડ્રોઅરમાં ફક્ત ૨.૫ લાખ રૂપિયા બાકી હતા. બાકીના ૪.૫ લાખ રૂપિયા ગાયબ હતા. ત્યારબાદ તેણે કબાટની સારી રીતે તપાસ કરી. પરંતુ, પૈસા મળ્યા નહીં.
ઘરે પૂછપરછ કરવામાં આવતા, સચિન કુમાર ગભરાઈ ગયો. જ્યારે કશિશે તેને તેના ખિસ્સા તપાસવાનું કહ્યું, ત્યારે તેણે તેમ કરવાનો ઇનકાર કર્યો અને બાદમાં ૫૦,૦૦૦ રૂપિયા રોકડા લઈને ઘરમાંથી ભાગી ગયો. કશિષ કપૂરની ફરિયાદના આધારે, પોલીસે ચોરીની કલમો હેઠળ કેસ નોંધ્યો છે અને ફરાર ઘરના નોકરની શોધ શરૂ કરી છે. ક્રાઈમ બ્રાન્ચના અધિકારીઓ પણ આરોપીઓની શોધ કરી રહ્યા છે.
