બલૂચ લિબરેશન આર્મીએ એક મોટો હુમલો કર્યો છે. ઓપરેશન હારોફના બીજા તબક્કામાં બીએલએ એ બલુચિસ્તાનના ૧૪ શહેરોમાં ૪૮ અલગ અલગ સ્થળો પર એક સાથે હુમલાઓ કર્યા. છેલ્લા ૧૦ કલાકથી, લડવૈયાઓએ અનેક વિસ્તારો પર નિયંત્રણ જાળવી રાખ્યું છે. બીએલએ દ્વારા જારી કરાયેલા એક નિવેદનમાં કહેવામાં આવ્યું છે કે, “ક્વેટા, નોશકી, મસ્તુંગ, દાલબંદીન, કલાત, ખારાન, પંજગુર, ગ્વાદર, પાસની, તુર્બત, તુમ્પ, બુલેડા, મંગોચર, લાસબેલા, કેચ અને અવારનમાં દુશ્મન લશ્કરી, વહીવટી અને સુરક્ષા માળખાને એકસાથે નિશાન બનાવવામાં આવ્યા હતા.”
નિવેદનમાં કહેવામાં આવ્યું છે કે ઓપરેશન હારોફ દરમિયાન, કુલ ૮૪ પાકિસ્તાની સેના, પોલીસ, ગુપ્તચર અને ઝ્ર્ડ્ઢ કર્મચારીઓ માર્યા ગયા, ડઝનેક ઘાયલ થયા, અને ૧૮ કર્મચારીઓને જીવતા પકડવામાં આવ્યા અને હાલમાં બીએલએ કસ્ટડીમાં છે. બીએલએ લડવૈયાઓએ કેન્દ્રીય લશ્કરી મુખ્યાલય સહિત અનેક ચોકીઓ પર પણ નિયંત્રણ મેળવ્યું અને આ સ્થળોએ મજબૂત સ્થિતિ જાળવી રાખી છે.બીએલએ લડવૈયાઓએ ઘણા શહેરોમાં દુશ્મનની હિલચાલને પ્રતિબંધિત કરી છે, જ્યારે બલૂચ લડવૈયાઓએ મુખ્ય સ્થળો પર તેમની પકડ વધુ મજબૂત બનાવી છે.
બીએલએ દ્વારા જારી કરાયેલા એક નિવેદનમાં જણાવાયું છે કે ઓપરેશન દરમિયાન, ૩૦ થી વધુ સરકારી મિલકતો કબજે કરવામાં આવી હતી અને તેનો નાશ કરવામાં આવ્યો હતો. આ મિલકતોમાં બેંકો, સરકારી કચેરીઓ અને જેલોનો સમાવેશ થાય છે. વધુમાં, ૨૩ થી વધુ દુશ્મન વાહનોને આગ લગાવવામાં આવી હતી. “ઘણા શહેરોમાં વહીવટી માળખાં પર સીધા દબાણને કારણે, દુશ્મનની સ્થિતિ નબળી પડી છે. શહેરી વિસ્તારોમાં, દુશ્મન સૈનિકો અને પોલીસ દળોને પીછેહઠ કરવાની ફરજ પડી છે,” નિવેદનમાં કહેવામાં આવ્યું છે. અહીં દુશ્મન સૈન્યનો ઉલ્લેખ પાકિસ્તાની સેનાનો છે.
“ઓપરેશન દરમિયાન, સાત બીએલએ લડવૈયાઓ શહીદ થયા હતા, જેમાં બીએલએના ચુનંદા એકમ, માજીદ બ્રિગેડના ચાર ફિદાયીનનો સમાવેશ થાય છે, જેમણે દુશ્મન છાવણીઓમાં ઘૂસણખોરી કરી હતી અને દુશ્મન દળોને નિશાન બનાવ્યા હતા,” નિવેદનમાં જણાવાયું છે. આ શહીદોના બલિદાનને કારણે જ દુશ્મનના સંવેદનશીલ લશ્કરી સ્થાપનોના મોટા ભાગ પર નિયંત્રણ મેળવવામાં આવ્યું છે જ્યાં ભીષણ લડાઈ પછી સ્થિતિ મજબૂત થઈ છે. આ બલિદાનોએ ઓપરેશનની ગતિ અને અસરકારકતા જાળવવામાં મહત્વપૂર્ણ ભૂમિકા ભજવી છે.”
નિવેદનમાં કહેવામાં આવ્યું છે કે ઓપરેશન હેરોફ ૨.૦ માં, બલૂચ લિબરેશન આર્મીના ઘણા એકમો સંગઠિત અને સંકલિત રીતે ભાગ લઈ રહ્યા છે. “ફતેહ સ્ક્વોડ, મજીદ બ્રિગેડ, ઇન્ટેલિજન્સ વિંગ ‘જીરાબ’ અને એસટીઓએસ ઘણા શહેરો અને વિસ્તારોમાં સંકલનમાં આગળ વધી રહ્યા છે, અને એકસાથે અનેક દુશ્મન સ્થાનો પર દબાણ લાવી રહ્યા છે.” નિવેદન અનુસાર, તેને જાહેર સમર્થન મળ્યું છે અને જણાવ્યું છે કે ઓપરેશનને ટકાવી રાખવામાં જાહેર એકતા એક મુખ્ય પરિબળ છે.
બલૂચ લિબરેશન આર્મીના પ્રવક્તા જિયાંદ બલોચે કહ્યું કે બીએલએ લડવૈયાઓ સમગ્ર બલૂચિસ્તાનમાં મજબૂત નિયંત્રણ જાળવી રાખે છે અને દુશ્મન સામે કાર્યવાહી ચાલુ રહેશે. ઓપરેશન હેરોફ ફેઝ ૨.૦ ચાલુ છે, અને એવી અપેક્ષા છે કે પરિસ્થિતિ બદલાતા જમીન પર સૈનિકોની સંખ્યા વધશે.
