તમે ઘણીવાર આમિર ખાનને ફિલ્મોની બહાર ગંભીર દ્રષ્ટિએ જોયો હશે. પરંતુ હવે તેમણે તેમની આગામી ફિલ્મ “હેપ્પી પટેલઃ ડેન્જરસ ડિટેક્ટીવ” ની જાહેરાત કરી છે. એક રમુજી વીડિયોમાં, આમિર ખાને ફિલ્મના હીરો અને સ્ટેન્ડ-અપ કોમેડિયન વીર દાસને થપ્પડ મારી હતી. ખાસ વાત એ છે કે આમિર ખાનનો જાહેરાત વીડિયો ફિલ્મ કરતાં વધુ ચર્ચામાં આવ્યો છે. લોકો સોશિયલ મીડિયા પર આ વીડિયો શેર કરી રહ્યા છે અને તેના પર પ્રતિક્રિયા આપી રહ્યા છે.
“હેપ્પી પટેલઃ ડેન્જરસ ડિટેક્ટીવ” આવતા વર્ષે ૧૬ જાન્યુઆરીએ સિનેમાઘરોમાં રિલીઝ થઈ રહી છે. આ ફિલ્મ આમિર ખાન દ્વારા નિર્મિત છે અને તેમના પ્રોડક્શન હાઉસ હેઠળ બનાવવામાં આવી રહી છે. ફિલ્મમાં વીર દાસ મુખ્ય ભૂમિકા ભજવે છે. તેમણે વાર્તા પણ લખી હતી. ફિલ્મના જાહેરાત વીડિયોમાં આની ઝલક જોવા મળી હતી. જોકે, ફિલ્મ વિશે હજુ સુધી કોઈ ચોક્કસ વિગતો જાહેર કરવામાં આવી નથી.આઇએમડી અનુસાર, વીર દાસ સાથે સંજય દત્ત પણ મુખ્ય ભૂમિકામાં જોવા મળશે. આમિર ખાનના ભત્રીજા અને બોલિવૂડ સ્ટાર ઇમરાન ખાન પણ એક મજબૂત પાત્ર ભજવતા જોવા મળશે.
આમીર ખાન ફિલ્મનું નિર્માણ કરી રહ્યા છે અને તે કેમિયો ભૂમિકામાં પણ જોવા મળશે. પ્રિયાંશુ ચેટર્જી પણ મહત્વપૂર્ણ ભૂમિકા ભજવશે. મોના સિંહ અને પ્રીતિ ઝિન્ટા પણ ફિલ્મમાં જોવા મળશે. હવે, અમે ફિલ્મના ટીઝર અને ટ્રેલરની રાહ જાઈ રહ્યા છીએ, જે ફિલ્મની વાર્તાની ઝલક આપશે. ઇમરાન ખાન અને વીર દાસે અગાઉ એક સુપરહિટ ફિલ્મ “ડેઇલી બેલી” માં સાથે કામ કર્યું છે. આ ફિલ્મ ૨૦૧૦ માં રિલીઝ થઈ હતી અને ખૂબ જ સફળ રહી હતી. આમિર ખાને એક રમૂજી વિડિઓ બનાવીને ફિલ્મની જાહેરાત કરી છે. આ જાહેરાતમાં આમિર ખાન ફિલ્મના નાયક વીર દાસને થપ્પડ મારતો જોવા મળે છે. જોકે, જ્યારે આમિર ખાનને દર્શકોનો પ્રતિસાદ મળે છે, ત્યારે તે શાંત થઈ જાય છે. ચાહકો પણ આ ફિલ્મની આતુરતાથી રાહ જોઈ રહ્યા છે. વીર દાસ એક સ્ટેન્ડ-અપ કોમેડિયન છે અને ફિલ્મની વાર્તાઓ પણ લખે છે. હવે, કંઈક અલગ જોવા મળે તેવી અપેક્ષા છે.
