સમાજવાદી પાર્ટીના રાષ્ટ્રિય અધ્યક્ષ અને ઉત્તર પ્રદેશના ભૂતપૂર્વ મુખ્યમંત્રી અખિલેશ યાદવે મંગળવારે યોગી સરકાર પર આકરા પ્રહારો કર્યા. તેમણે સ્પષ્ટપણે કહ્યું કે પોલીસ કે વહીવટીતંત્ર સમાજવાદી પાર્ટી દ્વારા સંચાલિત પીડીએ (પછાત, દલિત, લઘુમતી) પાઠશાળાને રોકી શકશે નહીં. જ્યાં સુધી સરકાર પોતે આ શાળાઓમાં લાયક શિક્ષકોની નિમણૂક નહીં કરે ત્યાં સુધી સપા કાર્યકરો બાળકોને ભણાવવાનું ચાલુ રાખશે. લખનૌમાં જનેશ્વર મિશ્રાની પુણ્યતિથિ પર તેમની પ્રતિમાને માળા પહેરાવતી વખતે અખિલેશ યાદવે આ નિવેદન આપ્યું હતું.
સમાજવાદી વિચારધારાની આ તાકાત છે કે જ્યારે સરકાર પોતાની ફરજાથી મોઢું ફેરવે છે, ત્યારે સમાજવાદી કાર્યકરો જનતા માટે ઉભા થાય છે. તેમણે કહ્યું કે મુખ્યમંત્રી યોગી આદિત્યનાથે પોતે એવી શાળાઓની મુલાકાત લેવી જાઈએ જ્યાં છત પડી રહી છે અને બાળકો ઘાયલ થઈ રહ્યા છે. આ પરિસ્થિતિઓ દર્શાવે છે કે રાજ્યમાં શિક્ષણ વ્યવસ્થા પડી ભાંગી છે. અખિલેશે આરોપ લગાવ્યો કે સરકારે પોતે સ્વીકાર્યું છે કે ઘણી શાળાઓ બંધ થઈ ગઈ છે અને કેટલીક અન્ય શાળાઓમાં મર્જ કરવામાં આવી છે. આ બાળકોના શિક્ષણ પર સીધી અસર કરી રહી છે. તેમણે કહ્યું કે જા સરકાર શિક્ષકો આપી શકતી નથી, તો સમાજવાદી પાર્ટી પોતાના સંસાધનો સાથે બાળકોનું શિક્ષણ ચાલુ રાખશે.
માત્ર શિક્ષણ જ નહીં, સપા વડાએ પ્રયાગરાજમાં પૂર જેવી સ્થિતિ પર પણ પ્રશ્નો ઉઠાવ્યા. તેમણે કહ્યું કે સરકારે દાવો કર્યો હતો કે ૨૦ હજાર કરોડ રૂપિયાથી વિકાસ કાર્ય થયું છે, પરંતુ થોડા વરસાદમાં આખું શહેર ડૂબી ગયું. આ કયું વિકાસ મોડેલ છે? તેમણે આરોપ લગાવ્યો કે સરકાર ફક્ત કાગળ પર કામ કરી રહી છે, જમીની વાસ્તવિકતા કંઈક અલગ છે. અખિલેશ યાદવે સાંસદો ઇકરા હસન અને ડિમ્પલ યાદવ પર કરવામાં આવેલી વિવાદાસ્પદ ટિપ્પણીઓ પર પણ તીવ્ર પ્રતિક્રિયા આપી. તેમણે કહ્યું કે મહિલા સાંસદો વિરુદ્ધ આવી ભાષા ભાજપની માનસિકતા છતી કરે છે. તેમણે કહ્યું કે આ ફક્ત વ્યક્તિગત નથી, પરંતુ મહિલાઓની ઓળખ પર હુમલો છે.
જાતિ અને ધાર્મિક આધારે કરવામાં આવતી પોલીસ કાર્યવાહી અંગે અખિલેશ યાદવે કહ્યું કે જા કોઈ કૃત્ય ગેરકાયદેસર હોય તો તેની સામે કાર્યવાહી થવી જાઈએ, પરંતુ કોઈ ચોક્કસ જાતિ કે ધર્મને નિશાન બનાવીને કાર્યવાહી થવી જાઈએ નહીં. આ બંધારણની વિરુદ્ધ છે. ન્યાયતંત્રે આ બાબતનું ધ્યાન રાખવું જાઈએ. અમે આ મામલો કોર્ટમાં લઈ જઈશું. અખિલેશ યાદવે ચેતવણી આપી હતી કે પીડીએ જેટલું દબાવવામાં આવશે, તેટલું જ તે વધુ મજબૂત રીતે બહાર આવશે. તેમણે કહ્યું કે સમાજવાદી પાર્ટી સામાજિક ન્યાય અને બંધારણના રક્ષણ માટે દરેક મોરચે સંઘર્ષ ચાલુ રાખશે.
