અધિકારીઓએ જણાવ્યું હતું કે ઇસ્લામિક સ્ટેટ આતંકવાદી સંગઠન સાથે જાડાયેલા બળવાખોરોએ પૂર્વી કોંગોમાં મોટો હુમલો કર્યો છે, જેમાં ઓછામાં ઓછા ૪૩ લોકો માર્યા ગયા છે. આ ઘટનાથી વિસ્તારમાં ગભરાટનું વાતાવરણ સર્જાયું છે.
એલાઇડ ડેમોક્રેટિક ફોર્સિસના લડવૈયાઓએ બુધવારે રાત્રે બાફવાકોઆ ગામમાં નાગરિકોને નિશાન બનાવ્યા હતા. યુગાન્ડામાં ઇસ્લામિક સ્ટેટ સાથે જાડાયેલું આ બળવાખોર જૂથ છિદ્રાળુ સરહદની બંને બાજુ સક્રિય છે. “તેઓએ ગામના ઘરોમાં આગ લગાવી દીધી,” નાગરિક સમાજ સંગઠનના સભ્ય સેમ્યુઅલ બાનાપિયાએ ફોન દ્વારા જણાવ્યું. કોંગોની સેનાએ એક નિવેદનમાં જણાવ્યું હતું કે ૪૩ લોકો માર્યા ગયા છે, જ્યારે સ્થાનિક અધિકારીઓએ મૃત્યુઆંક ઓછામાં ઓછો ૫૬ ગણાવ્યો છે. ઘણા લોકો ગુમ છે, અને ઓછામાં ઓછા બેને બંધક બનાવવામાં આવ્યા છે.
કોંગોની સેના પૂર્વીય ક્ષેત્રમાં એડીએફ સહિત અન્ય ઘણા બળવાખોર જૂથો સામે લડી રહી છે. આમાં સૌથી અગ્રણી રવાન્ડા સમર્થિત એમ-૨૩ છે, જેણે ગયા વર્ષે પૂર્વીય ક્ષેત્રના મુખ્ય શહેરો પર કબજા કર્યો હતો.એડીએફ સેના સાથે સીધો મુકાબલો ટાળે છે અને નાગરિકોને નિશાન બનાવે છે,” પૂર્વીય કોંગોમાં સૈન્ય પ્રવક્તા લેફ્ટનન્ટ જુલ્સ ન્ગોંગોએ જણાવ્યું હતું. આવી સ્થિતિમાં, શાંતિ પ્રયાસોને નુકસાન થાય છે.” કોંગોમાં લડવૈયાઓની સંખ્યા સ્પષ્ટ નથી, પરંતુ તેઓ આ પ્રદેશમાં મજબૂત હાજરી ધરાવે છે અને વારંવાર નાગરિકો પર હુમલો કરે છે. તાજેતરના વર્ષોમાં યુગાન્ડાની સરહદ નજીક એડીએફ હુમલાઓમાં વધારો થયો છે. ગયા વર્ષે,એડીએફએ પડોશી પ્રદેશમાં ૬૬ લોકોની હત્યા કરી હતી અને ઘણા લોકોને બંધક બનાવ્યા હતા.
