યુએસ સૈન્યએ પૂર્વીય પેસિફિક મહાસાગરમાં ડ્રગ સ્મગલિંગના આરોપમાં બીજી બોટ પર હુમલો કર્યો છે. આ હુમલામાં ત્રણ લોકોના મોત થયા છે. યુએસ આર્મીના સધર્ન કમાન્ડ અનુસાર, બોટ ડ્રગ સ્મગલિંગ માટે જાણીતા માર્ગો પરથી પસાર થઈ રહી હતી. સૈન્યનો દાવો છે કે બોટ ડ્રગ સ્મગલિંગમાં સામેલ હતી. સોશિયલ મીડિયા પર રિલીઝ થયેલા એક વીડિયોમાં બોટ પહેલા દરિયામાં તરતી દેખાય છે અને પછી અચાનક વિસ્ફોટ સાથે આગમાં ભડકી રહી છે.
અત્યાર સુધી કેટલા હુમલા થયા છે? સપ્ટેમ્બરની શરૂઆતથી, આવા ૪૩ હુમલા કરવામાં આવ્યા છે.,આ હુમલાઓમાં ઓછામાં ઓછા ૧૪૮ લોકો માર્યા ગયા છે.આ હુમલાઓ કેરેબિયન સમુદ્ર અને પૂર્વીય પેસિફિકમાં થયા છે.
યુએસ પ્રમુખ ડોનાલ્ડ ટ્રમ્પે જણાવ્યું છે કે યુએસ લેટિન અમેરિકામાં ડ્રગ કાર્ટેલ સાથે સશ† સંઘર્ષમાં રોકાયેલું છે. તેમણે આ હુમલાઓને ડ્રગ હેરફેરને રોકવા માટે જરૂરી પગલાં તરીકે વર્ણવ્યા છે.
આ દરમિયાન, ટીકાકારો અને નિષ્ણાતોએ અસંખ્ય પ્રશ્નો ઉભા કર્યા છે, અને કહ્યું છે કે ટ્રમ્પ વહીવટીતંત્રે પીડિતો નાર્કો-આતંકવાદી હતા તે સાબિત કરવા માટે બહુ ઓછા પુરાવા પૂરા પાડ્યા છે. ઘણા નિષ્ણાતો કહે છે કે ખતરનાક ડ્રગ ફેન્ટાનાઇલ, જે યુનાઇટેડ સ્ટેટ્સમાં ફેલાય છે, તે મોટે ભાગે મેક્સિકોથી જમીન માર્ગે આવે છે, સમુદ્ર માર્ગે નહીં. પહેલા હુમલામાં બચી ગયેલા લોકો પર વારંવાર થયેલા હુમલાઓને કાયદેસર અને નૈતિક રીતે ખોટા ગણાવવામાં આવ્યા હતા.
જ્યારે રિપબ્લ્કનનેતાઓએ તેને કાયદેસર અને જરૂરી ગણાવ્યું, ત્યારે ડેમોક્રેટિક નેતાઓ અને કાનૂની નિષ્ણાતોએ તેને હત્યા અથવા યુદ્ધ ગુનો ગણાવ્યો.
