જર્મન અખબાર ફ્રેન્કફર્ટર ઓલગેમીનના અહેવાલે આંતરરાષ્ટ્રીય સ્તરે યુએસ-ભારત સંબંધોમાં ખળભળાટ મચાવ્યો છે. અહેવાલ મુજબ, વડા પ્રધાન નરેન્દ્ર મોદીએ તાજેતરના અઠવાડિયામાં યુએસ પ્રમુખ ડોનાલ્ડ ટ્રમ્પના ચાર કોલનો જવાબ આપ્યો નથી. આ વાત એવા સમયે પ્રકાશમાં આવી છે જ્યારે ભારત અને અમેરિકા વચ્ચેનો વેપાર વિવાદ વધુ ઘેરો બની રહ્યો છે. જાપાની મીડિયા નિક્કી એશિયાએ પણ દાવો કર્યો છે કે વારંવાર ફોન કોલ્સનો જવાબ ન મળવાને કારણે ટ્રમ્પ ખૂબ ગુસ્સે હતા.
અહેવાલ મુજબ, એક વરિષ્ઠ ભારતીય રાજદ્વારીએ સ્પષ્ટતા કરી છે કે મોદી ફોન પર સંવેદનશીલ મુદ્દાઓ પર ચર્ચા કરતા નથી. અધિકારીએ કહ્યું કે જટિલ આંતરરાષ્ટ્રીય મુદ્દાઓનું ફોન પર સમાધાન કરવું એ વડા પ્રધાનની શૈલી નથી. સૂત્રોએ એમ પણ ઉમેર્યું હતું કે ટ્રમ્પના કોલનો જવાબ ન આપીને, મોદીએ એ શક્યતા ટાળવાનો પ્રયાસ કર્યો હતો કે ટ્રમ્પ વાતચીતને ખોટી રીતે રજૂ કરી શકે છે. અગાઉ પણ, ભારતે ટ્રમ્પ પર ભારત-પાકિસ્તાન તણાવ દરમિયાન થયેલી ચર્ચાઓને વિકૃત કરવાનો આરોપ લગાવ્યો હતો.
અમેરિકન અધિકારીઓએ કોલ ખરેખર કરવામાં આવ્યા હતા કે નહીં તેની પુષ્ટિ કરવાનો ઇનકાર કર્યો છે. જા કે, ટ્રમ્પે છેલ્લા ચાર મહિનામાં વારંવાર દાવો કર્યો છે કે તેમણે ભારત અને પાકિસ્તાન વચ્ચે સંભવિત પરમાણુ યુદ્ધ અટકાવ્યું છે. પરંતુ દરેક વખતે તેમણે ઘટનાઓનો બદલાતો સમયપત્રક અને વિમાનોની સંખ્યા રજૂ કરી. વોશિંગ્ટનના વિશ્લેષકોએ આ દાવાઓને અતિશયોક્તિપૂર્ણ ગણાવ્યા અને કહ્યું કે ટ્રમ્પ પોતાને શાંતિ નિર્માતા સાબિત કરવાનો પ્રયાસ કરી રહ્યા છે.
કેનેડામાં જી-૨૦ સમિટ પછી મોદીએ ટ્રમ્પના વ્હાઇટ હાઉસની મુલાકાત લેવાના છેલ્લા ઘડીના આમંત્રણને નકારી કાઢતાં તણાવ વધુ વધ્યો. ટ્રમ્પે આ સમયગાળા દરમિયાન પાકિસ્તાનના લશ્કરી વડા અસીમ મુનીરને પણ આમંત્રણ આપ્યું હતું. તેમણે તેને ભારત-પાક શાંતિ વાટાઘાટો તરફનું પગલું કહેવાનો પ્રયાસ કર્યો. પરંતુ નવી દિલ્હીએ આ પગલાની આકરી ટીકા કરી અને કહ્યું કે આતંકવાદનો ભોગ બનેલા ભારત અને આતંકવાદ ફેલાવનારા પાકિસ્તાનને સમાન સ્તર પર મૂકવા ખૂબ જ વાંધાજનક છે.
અમેરિકાના ભૂતપૂર્વ રાષ્ટ્રીય સુરક્ષા સલાહકાર જાન બોલ્ટને લખ્યું કે નવી દિલ્હીમાં અમેરિકા પ્રત્યે ઊંડી નારાજગી છે. ભારતને લાગે છે કે તેને વારંવાર વેપાર ટેરિફ અને પ્રતિબંધોની ધમકી આપવામાં આવી રહી છે, જ્યારે રશિયા અને ચીન આવી કડકાઈનો સામનો કરી રહ્યા નથી. ભારત માને છે કે તેને વ્યૂહાત્મક ભાગીદારને બદલે વેપાર દબાણના સાધન તરીકે જાવામાં આવી રહ્યું છે. આ જ કારણ છે કે મોદી સરકાર હાલમાં સંવેદનશીલ બાબતોમાં ટ્રમ્પના સીધા હસ્તક્ષેપથી અંતર રાખી રહી છે.
