ઉત્તર પ્રદેશના મેરઠમાં ૨૨ ફેબ્રુઆરીના રોજ વડાપ્રધાન નરેન્દ્ર મોદીના કાર્યક્રમ પહેલા, શહેરના કેન્ટ વિધાનસભા મતવિસ્તારના સદર વિસ્તારમાં લોકો કથિત રીતે દાન માંગવા અંગે વિવાદ ફાટી નીકળ્યો છે. કેટલાક રહેવાસીઓએ આરોપ લગાવ્યો હતો કે મુસ્લિમ સમુદાયના કેટલાક સભ્યો ઘરો અને દુકાનોમાં બળજબરીથી ઘૂસી રહ્યા હતા અને બાબરી મસ્જિદના નામે દાન માંગી રહ્યા હતા. સ્થાનિક રહેવાસીઓએ આ મામલે પોલીસ ફરિયાદ નોંધાવી છે.
ઘટનાની જાણ થતાં, કેન્ટના ધારાસભ્ય અમિત અગ્રવાલ ઘટનાસ્થળે પહોંચ્યા અને પોલીસ અધિકારીઓ સાથે વાત કરી. તેમણે આરોપ લગાવ્યો કે સંડોવાયેલા વ્યકિતઓ કાશ્મીર, બંગાળ અને આસામ જેવા રાજ્યોના હોવાનું માનવામાં આવે છે અને દાન માંગવાના બહાને ઘરોમાં ઘૂસી રહ્યા હતા. ધારાસભ્યએ આ વ્યકિતઓની તપાસ અને ધરપકડની માંગ કરી હતી. જાકે, તેમણે આરોપ લગાવ્યો કે પોલીસે સંપૂર્ણ તપાસ કર્યા વિના તેમને છોડી મુક્યા .
વિધાયક અમિત અગ્રવાલે સમગ્ર મામલાને ગંભીર ગણાવ્યો. તેમણે વડા પ્રધાન નરેન્દ્ર મોદીના કાર્યક્રમ પહેલા કોઈ મોટા ષડયંત્રની શંકા વ્યક્ત કરી. તેમણે કહ્યું કે જ્યારે શહેરમાં રાષ્ટ્રીય સ્વયંસેવક સંઘના વડા મોહન ભાગવતની હાજરી, વડા પ્રધાન નરેન્દ્ર મોદી અને મુખ્ય પ્રધાન યોગી આદિત્યનાથના આયોજિત કાર્યક્રમોની ચર્ચા થઈ રહી છે ત્યારે શંકાસ્પદ પ્રવૃત્તિઓને હળવાશથી ન લેવી જાઈતી હતી.
તેમણે કહ્યું કે પોલીસે આ મામલાની સંપૂર્ણ તપાસ કરવી જાઈતી હતી. ધારાસભ્યએ એમ પણ કહ્યું કે વડા પ્રધાનના કાર્યક્રમ પછી, તેઓ આ બાબતની ફરિયાદ ઉચ્ચ અધિકારીઓને કરશે અને ગૃહ સચિવને પણ પત્ર લખશે.
પોલીસ વહીવટીતંત્રે ધારાસભ્યના આરોપોને ફગાવી દીધા છે. પોલીસે કહ્યું કે દર વર્ષે રમઝાન મહિનામાં, કેટલાક લોકો વિવિધ રાજ્યોમાંથી દાન એકત્રિત કરવા માટે આવે છે. જે લોકો સામે ફરિયાદ દાખલ કરવામાં આવી હતી તેમને પોલીસ સ્ટેશનમાં લાવીને પૂછપરછ કરવામાં આવી હતી. પોલીસના જણાવ્યા અનુસાર, સામેલ વ્યકિતઓમાં બિહાર, બંગાળ અને આસામના લોકોનો સમાવેશ થતો હતો અને તપાસ બાદ તેમને પાછા મોકલી દેવામાં આવ્યા હતા.
