મધ્યપ્રદેશના ભૂતપૂર્વ મુખ્યમંત્રી અને કોંગ્રેસના નેતા દિગ્વિજય સિંહ રાજગઢ જિલ્લાના પ્રવાસે હતા. આ દરમિયાન તેમણે પીએમ મોદીની માતા પર કરવામાં આવેલી અભદ્ર ટિપ્પણી સહિત અન્ય મુદ્દાઓ પર મીડિયા સાથે વાત કરી. આ દરમિયાન દિગ્વિજય સિંહે કહ્યું કે દેશની વાસ્તવિક સમસ્યા દુર્વ્યવહાર નથી. પીએમ નરેન્દ્ર મોદી લોકોનું ધ્યાન ભટકાવવા માટે દુર્વ્યવહારની ચર્ચા કરે છે. દેશની વાસ્તવિક સમસ્યાઓ બંધારણને ખતરો, મત ચોરી, ચૂંટણી પંચનું પક્ષપાતી વલણ, મોંઘવારી અને બેરોજગારી જેવા મુદ્દાઓ છે. આના કારણે, અમીર અને ગરીબ વચ્ચેનું અંતર સતત વધી રહ્યું છે. દિગ્વિજય સિંહે કહ્યું કે કોણે દુર્વ્યવહાર કર્યો છે? શું કોઈ કોંગ્રેસ કાર્યકર કે નેતાએ આવું કર્યું છે? તેમણે કહ્યું કે મોદીજી પોતે દુર્વ્યવહાર કરે છે, પરંતુ મીડિયાએ આજ સુધી તેના પર કોઈ પ્રશ્ન પૂછ્યો નથી. પીએમએ સોનિયા ગાંધી અને રાહુલ ગાંધીને શું કહ્યું નથી. મુખ્ય મુદ્દાઓ પર ધ્યાન કેન્દ્રિત કરવાને બદલે, ચર્ચા પીએમ મોદી શું કહે છે તેના પર છે. વડા પ્રધાન પર વ્યક્તિગત રીતે હુમલો કરતા દિગ્વિજય સિંહે કહ્યું કે મોદીજી પોતાને સનાતની હિન્દુ કહે છે. પરંતુ, તેમણે તેમની માતાના મૃત્યુ પછી પોતાનું માથું મુંડન કરાવ્યું નથી.દારૂ પ્રતિબંધ અંગે દિગ્વિજય સિંહે કહ્યું કે દારૂ નીતિ સ્પષ્ટ છે. જા દુકાન જ્યાં આવેલી છે તે વિસ્તારની ૫૦ ટકા મહિલાઓ લેખિતમાં તેનો વિરોધ કરે તો તેને દૂર કરવાની જાગવાઈ છે. આખા દેશમાં, ફક્ત બે રાજ્યો ગુજરાત અને બિહારમાં જ દારૂબંધી છે, પરંતુ ત્યાં પણ દારૂ સરળતાથી મળી રહે છે. તેથી, દારૂ પ્રતિબંધ કોઈ વિકલ્પ નથી. મારું માનવું છે કે દારૂનો વધુ પડતો પ્રચાર ન કરવો જાઈએ. તેના વિતરણ પર પણ ધ્યાન આપવું જાઈએ.
