પાકિસ્તાને આંતરરાષ્ટ્રિય નાણાકીય ભંડોળ પાસેથી લોન લીધા પછી તેની સાથે છેતરપિંડી કરી છે.આઇએમએફના ૭ અબજ ડોલરના બેલઆઉટ પેકેજની બીજી સમીક્ષા પહેલાં નિર્ધારિત ૫ મહત્વપૂર્ણ આર્થિક લક્ષ્યોમાંથી ૩ પણ પૂરા કર્યા નથી. આનાથી આઇએમએફ તણાવમાં છે.
આઇએમએફે પાકિસ્તાનને ખરાબ આર્થિક સ્થતિમાંથી બહાર કાઢવા માટે આ બેલઆઉટ પેકેજ આપ્યું હતું. નાણા મંત્રાલય દ્વારા જાહેર કરાયેલા નાણાકીય અહેવાલ મુજબ, પાકિસ્તાનની કોઈપણ પ્રાંતીય સરકાર ૧.૨ ટ્રિલિયન પાકિસ્તાની રૂપિયા બચાવવાના લક્ષ્યાંકને પ્રાપ્ત કરી શકી નથી, કારણ કે ખર્ચમાં અણધાર્યો વધારો નોંધવામાં આવ્યો છે. આ ઉપરાંત, ફેડરલ બોર્ડ ઓફ રેવન્યુ તાજિર દોસ્ત યોજના હેઠળ કુલ ૧૨.૩ ટ્રિલિયન રૂપિયાનો કર વસૂલવામાં અને છૂટક વેપારીઓ પાસેથી ૫૦ અબજ રૂપિયા વસૂલવામાં પણ નિષ્ફળ રહ્યું છે.
પાકિસ્તાને માત્ર ૨.૪ ટ્રિલિયન રૂપિયાનો પ્રાથમિક બજેટ સરપ્લસ પ્રાપ્ત કર્યો છે. આમ તેણે એક મહત્વપૂર્ણ શરત પૂરી કરી છે. આ આઇએમએફ દ્વારા નિર્ધારિત લક્ષ્યાંક કરતાં વધુ સારું હોવાનું કહેવાય છે. એવો દાવો કરવામાં આવે છે કે પાકિસ્તાને સતત બીજા વર્ષે પ્રાથમિક સરપ્લસ દર્શાવ્યું છે. અહેવાલ મુજબ, કેન્દ્ર સરકારે ખર્ચ પર નિયંત્રણ જાળવવાનો પ્રયાસ કર્યો, પરંતુ પ્રાંતીય સરકારોની નિષ્ફળતા, જે ફેડરલ નિયંત્રણ હેઠળ આવતી નથી,આઇએમએફ લક્ષ્યાંકોને અસર કરી.
પાકિસ્તાનની કુલ રાજકોષીય ખાધ જીડીપી ના ૫.૪% (રૂ. ૬.૨ ટ્રિલિયન) હતી, જે આઇએમએફના લક્ષ્યાંક ૫.૯% થી ઓછી હતી.આઇએમએફએ બેલઆઉટ પેકેજ હેઠળ લગભગ ૫૦ શરતો મૂકી છે, જેમાંથી કેટલીક શરતોની ત્રિમાસિક અને વાર્ષિક ધોરણે સમીક્ષા કરવામાં આવે છે અને આગામી ૧ બિલિયન હપ્તાની મંજૂરી તેના પર નિર્ભર છે. જાકે સરકારે કેટલાક મોરચે સુધારો દર્શાવ્યો છે, સત્તાવાર આંકડા દર્શાવે છે કે કેન્દ્ર સરકારની કુલ ચોખ્ખી આવક સંરક્ષણ અને વ્યાજ ચુકવણી જેવી માત્ર બે વસ્તુઓની જરૂરિયાતો કરતાં રૂ. ૧.૨ ટ્રિલિયન ઓછી છે. અન્ય ખર્ચ ઉધાર લઈને પૂર્ણ થાય છે.
પ્રાંતો દ્વારા આપવામાં આવેલા વચનો છતાં, પાકિસ્તાને માત્ર રૂ. ૯૨૧ અબજ રોકડ સરપ્લસ કમાઈ હતી, જે આઇએમએફના લક્ષ્યાંક ૧.૨ ટ્રિલિયન કરતા રૂ. ૨૮૦ અબજ ઓછી છે.એફબીઆર તાજિર દોસ્ત યોજના હેઠળ કોઈ નોંધપાત્ર આવક એકત્રિત કરી શક્યું નથી. જાકે, એવો દાવો કરવામાં આવે છે કે આ ખામીઓ હોવા છતાં, પાકિસ્તાનને આગામી સમીક્ષામાં ગંભીર અવરોધોનો સામનો કરવો પડશે નહીં, કારણ કે અન્ય મહત્વપૂર્ણ શરતો પર પ્રગતિ થઈ છે. આ બેલઆઉટ પેકેજ ૨૦૨૪ માં મંજૂર કરવામાં આવ્યું હતું અને પાકિસ્તાનના અર્થતંત્રને સ્થિર કરવામાં મહત્વપૂર્ણ માનવામાં આવે છે.
