આંધ્ર પ્રદેશના નાયબ મુખ્યમંત્રી અને અભિનેતા પવન કલ્યાણની આગામી ફિલ્મ ‘હરિ હરા વીરા મલ્લુ’ કોહિનૂર હીરા સંબંધિત લૂંટની વાર્તા પર આધારિત છે. આ ઉપરાંત, આ ફિલ્મ મુઘલ સમ્રાટ ઔરંગઝેબના અત્યાચારો પર પણ પ્રકાશ પાડતી જાવા મળશે. પવન કલ્યાણે પોતે ફિલ્મની થીમ અને વાર્તા વિશે વાત કરી હતી. તેમણે જણાવ્યું હતું કે તેઓ ઘણા વર્ષોથી આ ફિલ્મ સાથે જાડાયેલા છે.
આ ફિલ્મની રિલીઝ પહેલા વાત કરતા, પવન કલ્યાણે કહ્યું કે તેઓ ઘણા વર્ષોથી આ પ્રોજેક્ટ સાથે જાડાયેલા છે. તેમણે કહ્યું, ‘હું રાજકારણી બન્યો તે પહેલાં પણ, ક્રિશ જગરલામુડી નિર્માતા એએમ રત્નમ સાથે આ વિચાર પર કામ કરી રહ્યા હતા. પછી મેં તેના માટે સંમતિ આપી, પરંતુ પછીથી ૨૦૧૮-૧૯માં હું વ્યસ્ત થઈ ગયો. અમે ૨૦૧૯ પછી ફિલ્મ લોન્ચ કરવાનું વિચાર્યું, પરંતુ કોવિડ-૧૯ના બે મોજાઓએ તેને અસર કરી અને અમે તે કરી શક્યા નહીં’.
પવન કલ્યાણે કહ્યું કે આ ફિલ્મની ઐતિહાસિક પૃષ્ઠભૂમિ તેમને આકર્ષિત કરી, ખાસ કરીને કોહિનૂર હીરાની યાત્રા. તેમણે કહ્યું, ‘આ ફિલ્મ કરવાની સફર મારા માટે રસપ્રદ હતી. તેનો ખ્યાલ ખૂબ જ ઊંચો છે. ઔરંગઝેબના સમયગાળા દરમિયાન કોહિનૂર મયૂર સિંહાસનમાંથી ચોરાઈ ગયો હતો. મને લાગે છે કે તેનાથી મારો રસ જાગ્યો અને મેં શરૂઆત કરી. પરંતુ તેમાં ઘણા સ્તરો છે. તે મયૂર સિંહાસનમાંથી કોહિનૂરની લૂંટ જેવું લાગે છે. જાકે, તે બતાવશે કે તે વિજયવાડાની કોલ્લુર ખાણોમાંથી નિઝામ સુધી કેવી રીતે પહોંચ્યો અને પછી તે મુઘલોના હાથમાં કેવી રીતે પહોંચ્યો’.
અભિનેતાએ વધુમાં કહ્યું, તે દર્શકોને બતાવવા માંગે છે કે ઔરંગઝેબના શાસન દરમિયાન લોકો પર કેવી રીતે અત્યાચાર ગુજારવામાં આવ્યા હતા. તેમણે કહ્યું, ‘તેમાંથી હીરાની ચોરી, જે એક મહાન યાત્રાનું પ્રતીક છે અને તે મારા માટે રસપ્રદ હતું. આ ચોરીની સાથે, ઔરંગઝેબના અત્યાચારો વિશે ઘણું બધું ખુલશે. મને લાગે છે કે આ ખ્યાલ મારા માટે ખૂબ જ રસપ્રદ છે’. તેમણે આગળ કહ્યું, ‘તે સમયે હિન્દુ હોવાને કારણે તમારે ટેક્સ ચૂકવવો પડતો હતો, સંગીત નહોતું, કંઈ નહોતું. ઘણો જુલમ હતો’. તમને જણાવી દઈએ કે ફિલ્મ ‘હરિ હર વીર મલ્લુ’ ૨૫ જુલાઈના રોજ રિલીઝ થશે. પવન કલ્યાણની સાથે, નિધિ અગ્રવાલ, બોબી દેઓલ, નરગીસ ફખરી, નોરા ફતેહી, સત્યરાજ, અનસૂયા ભારદ્વાજ જેવા કલાકારો ફિલ્મમાં હાજર છે.
