સુપ્રીમ કોર્ટે સોમવારે વૈવાહિક બાબતો અંગે એક મહત્વપૂર્ણ ટિપ્પણી કરી. કોર્ટે કહ્યું કે આવા કિસ્સાઓમાં, પતિ-પત્ની વચ્ચેની વાતચીતનું ગુપ્ત રેકો‹ડગ કોર્ટમાં પુરાવા તરીકે સ્વીકાર્ય છે. પંજાબ અને હરિયાણા હાઈકોર્ટના નિર્ણયને ફગાવી દેતા, ન્યાયાધીશ બી.વી. નાગરત્ન અને ન્યાયાધીશ સતીશ ચંદ્ર શર્માની બેન્ચે કહ્યું કે પતિ-પત્ની એકબીજા પર નજર રાખે છે તે એ વાતનો પુરાવો છે કે લગ્ન સારી રીતે ચાલી રહ્યા નથી. તેથી, રેકો‹ડગનો ઉપયોગ ન્યાયિક કાર્યવાહીમાં થઈ શકે છે.
પંજાબ અને હરિયાણા હાઈકોર્ટે તેના નિર્ણયમાં કહ્યું હતું કે પતિ-પત્ની વચ્ચેની ગુપ્ત વાતચીત પુરાવા કાયદાની કલમ ૧૨૨ હેઠળ સુરક્ષિત છે અને તેનો ન્યાયિક કાર્યવાહીમાં ઉપયોગ કરી શકાતો નથી. બેન્ચે નીચલી કોર્ટના આદેશને સમર્થન આપ્યું હતું અને કહ્યું હતું કે લગ્નની કાર્યવાહી દરમિયાન રેકોર્ડ કરેલી વાતચીતોને ધ્યાનમાં લઈ શકાય છે. સુપ્રીમ કોર્ટે ફેમિલી કોર્ટને રેકોર્ડ કરેલી વાતચીતોની ન્યાયિક નોંધ લીધા પછી કેસ આગળ વધારવા કહ્યું.
સુપ્રીમ કોર્ટે કહ્યું કે પતિ-પત્ની દ્વારા એકબીજાની વાતચીતનું રેકો‹ડગ એ પોતે જ પુરાવો છે કે તેમના લગ્ન સારા નથી ચાલી રહ્યા અને તેથી તેનો ઉપયોગ ન્યાયિક કાર્યવાહીમાં થઈ શકે છે. જસ્ટિસ બી.વી. નાગરત્ને કહ્યું કે જા લગ્ન એવા તબક્કે પહોંચી ગયા હોય કે પતિ-પત્ની એકબીજા પર સક્રિયપણે નજર રાખી રહ્યા હોય, તો આ પોતે જ તૂટેલા સંબંધનું લક્ષણ છે અને તેમની વચ્ચે વિશ્વાસનો અભાવ દર્શાવે છે.
ભટિંડા ફેમિલી કોર્ટે તેના ચુકાદામાં પતિને ક્રૂરતાના દાવાઓના સમર્થનમાં તેની પત્ની સાથે ફોન કોલ્સનું રેકો‹ડગ ધરાવતી કોમ્પેક્ટ ડિસ્કનો ઉપયોગ કરવાની મંજૂરી આપી હતી. પત્નીએ તેને હાઇકોર્ટમાં પડકાર્યો હતો અને દલીલ કરી હતી કે રેકો‹ડગ તેની જાણકારી કે સંમતિ વિના કરવામાં આવ્યું હતું અને તે ગોપનીયતાના તેના મૂળભૂત અધિકારનું ઉલ્લંઘન છે.
હાઇકોર્ટે પત્નીની અરજી સ્વીકારી અને પુરાવાઓને અસ્વીકાર્ય જાહેર કર્યા, એમ કહીને કે ગુપ્ત રેકો‹ડગ એ ગોપનીયતાનું સ્પષ્ટ ઉલ્લંઘન છે અને કાયદેસર રીતે અયોગ્ય છે. હાઇકોર્ટે કહ્યું હતું કે કેટલીક દલીલો આપવામાં આવી છે કે આવા પુરાવાઓને મંજૂરી આપવાથી ઘરેલું સુમેળ અને વૈવાહિક સંબંધો જાખમમાં મૂકાશે કારણ કે તે જીવનસાથીઓની જાસૂસીને પ્રોત્સાહન આપશે. આ પુરાવા કાયદાની કલમ ૧૨૨ ના હેતુનું ઉલ્લંઘન કરશે.
