અમૃતસરમાં પંજાબ વેરહાઉસ કોર્પોરેશનના મેનેજર ગગનદીપ સિંહ રંધાવાએ શુક્રવારે મોડી રાત્રે સલ્ફા ગળી લીધી. તેમને હોસ્પિટલમાં લઈ જવામાં આવ્યા હતા અને શનિવારે સવારે સારવાર દરમિયાન તેમનું મૃત્યુ થયું હતું. મૃત્યુ પહેલા તેમણે બનાવેલા એક વીડિયોમાં તેમણે પરિવહન મંત્રી લાલજીત ભુલ્લરનું નામ લીધું હતું. વીડિયો રિલીઝ થયા પછી, મુખ્યમંત્રી ભગવંત માનએ ભુલ્લરનું રાજીનામું સ્વીકાર્યું.
પંજાબ વિધાનસભામાંથી કોંગ્રેસનો વોકઆઉટઃ સ્પીકર કહે છે કે સુખપાલ ખૈરા પહેલા માફી માંગે, પછી જ તેમને બોલવાની મંજૂરી આપવામાં આવશે
ઘટનાની માહિતી મળતાં, પોલીસ અને વહીવટી અધિકારીઓ હોસ્પિટલ દોડી ગયા અને સમગ્ર ઘટનાની તપાસ શરૂ કરવામાં આવી. પોલીસ અધિકારીઓ કહે છે કે તમામ પાસાઓને ધ્યાનમાં રાખીને તપાસ હાથ ધરવામાં આવી રહી છે.
ઘટના બાદ, સાંસદ ગુરજીત સિંહ ઔજલા હોસ્પિટલ પહોંચ્યા અને આ મામલે રાજ્ય સરકારની ટીકા કરી. તેમણે કહ્યું કે ભ્રષ્ટાચારના આરોપો ગંભીર છે અને હકીકતોને ઉજાગર કરવા માટે સમગ્ર મામલાની નિષ્પક્ષ તપાસ જરૂરી છે. પોલીસ અને સંબંધિત વિભાગો હાલમાં આ કેસની તપાસ કરી રહ્યા છે. અધિકારીઓનું કહેવું છે કે તપાસ પૂર્ણ થયા પછી જ આગળની કાર્યવાહી સ્પષ્ટ થશે.
દરમિયાન, મુખ્યમંત્રી ભગવંત માને જણાવ્યું હતું કે કેબિનેટ મંત્રીનું રાજીનામું સ્વીકારવામાં આવ્યું છે. “અમે તપાસને અસર થવા દઈ શકીએ નહીં. અમે અધિકારીઓને હેરાન કરવા માટે સત્તામાં આવ્યા નથી. ભુલ્લરનો વિભાગ ટૂંક સમયમાં બીજા મંત્રીને સોંપવામાં આવશે.”
કોંગ્રેસ નેતા સુખપાલ ખૈરાએ લાલજીત ભુલ્લર સામે તાત્કાલિક ફોજદારી કેસ નોંધવાની માંગ કરી છે. ખૈરાએ કહ્યું કે ભુલ્લર પર વેરહાઉસિંગ કોર્પોરેશનના ડીએમ ગગનદીપ રંધાવા પર માનસિક અને શારીરિક રીતે હેરાન કરવાનો આરોપ છે, જેના કારણે રંધાવાની આત્મહત્યા થઈ. ઠ પર, તેમણે લખ્યું છે કે
પહેલા, મંત્રી અને તેમના માણસોએ રંધાવા પર હુમલો કર્યો, અને બાદમાં, આત્મહત્યા કરતા પહેલા, રંધાવાએ મંત્રીનું નામ લીધું. હું સરકાર અને પોલીસને આ મંત્રીની તાત્કાલિક ધરપકડ કરવા વિનંતી કરું છું. જા આવું નહીં કરવામાં આવે, તો એવું માનવામાં આવશે કે પોલીસનો ઉપયોગ ફક્ત વિપક્ષ સાથે વ્યક્તિગત દુશ્મનાવટ કરવા માટે થઈ રહ્યો છે. આ મામલે અકાલી દળના વરિષ્ઠ નેતા બિક્રમ સિંહ મજીઠિયાએ સોશિયલ મીડિયા પર સરકારની ટીકા કરી.
