કોંગ્રેસ સાંસદ શશી થરૂરે ભૂતપૂર્વ નાયબ વડા પ્રધાન અને ભાજપના સ્થાપક સભ્ય લાલકૃષ્ણ અડવાણીના વારસાનો બચાવ કર્યો છે. તેમણે કહ્યું કે જેમ ભારતના પ્રથમ વડા પ્રધાન જવાહરલાલ નેહરુને ફક્ત ચીન યુદ્ધમાં મળેલી હારથી અથવા ઇંન્દીરા ગાંધીને ફક્ત કટોકટીથી જ નકારી શકાય, તેવી જ રીતે અડવાણીના લાંબા રાજકીય કારકિર્દીને એક જ ઘટના સુધી મર્યાદિત રાખવું અન્યાયી છે.શશી થરૂરે ‘એકસ’ (ભૂતપૂર્વ ટ્વિટર) પર અડવાણીને તેમના ૯૮મા જન્મદિવસ (૮ નવેમ્બર) ની શુભેચ્છા પાઠવતા આ નિવેદન આપ્યું હતું. અડવાણીને “સાચા રાજનેતા” ગણાવતા, થરૂરે કહ્યું કે જાહેર સેવા, નમ્રતા અને પ્રામાણિકતા પ્રત્યેનું તેમનું સમર્પણ દેશ માટે પ્રેરણારૂપ છે. જો કે, થરૂરના ટ્વિટથી પણ વિવાદ થયો.સુપ્રીમ કોર્ટના વકીલ સંજય હેગડેએ થરૂરની ટીકા કરતા લખ્યું, “માફ કરશો, શ્રી થરૂર, પરંતુ આ દેશમાં નફરતના બીજ વાવનારાઓને જાહેર સેવા ગણી શકાય નહીં.” થરૂરે જવાબ આપ્યો, “નેહરુની સમગ્ર કારકિર્દી ચીન સામેની હારથી નક્કી કરી શકાતી નથી, કે ઇંન્દીરા ગાંધીની માત્ર કટોકટીથી નહીં. તેવી જ રીતે, આપણે અડવાણી પ્રત્યે પણ આ જ અભિગમ અપનાવવો જાઈએ. તેમના લાંબા જાહેર જીવનનું મૂલ્યાંકન ફક્ત એક ઘટનાથી કરવું ખોટું છે.”તેમણે આ નિવેદન ૧૯૯૦ની રામ રથયાત્રાનો ઉલ્લેખ કરતી વખતે આપ્યું હતું, જેમાં અડવાણીએ રામ મંદિર ચળવળને નવી દિશા આપી હતી. હેગડેએ લખ્યું હતું કે આ યાત્રા ભારતીય પ્રજાસત્તાકના મૂળભૂત સિદ્ધાંતોને બદલવાનો પ્રયાસ હતો, જેના દૂરગામી રાજકીય પરિણામો આજે પણ દેખાય છે. થરૂરે જવાબ આપ્યો, કહ્યું કે કોઈ પણ વ્યક્તીના જીવનને એક ઘટના દ્વારા વ્યાખ્યાયિત કરવું એ ઇતિહાસ સાથે અન્યાય હશે.દરમિયાન, વડા પ્રધાન નરેન્દ્ર મોદીએ પણ ૮ નવેમ્બરના રોજ દિલ્હીમાં અડવાણીને તેમના જન્મદિવસની શુભેચ્છા પાઠવવા માટે મળ્યા હતા અને તેમને “ભારતના લોકશાહી અને સાંસ્કૃતિક પરિદૃશ્ય પર અમીટ છાપ છોડી ગયેલા નેતા” તરીકે વર્ણવ્યા હતા. મોદીએ કહ્યું, “અડવાણીજીના વિઝન અને સિદ્ધાંતો પ્રત્યેની પ્રતિબદ્ધતાએ ભારતની પ્રગતિને મજબૂત બનાવી છે. હું તેમને લાંબા આયુષ્ય અને સારા સ્વાસ્થ્યની શુભેચ્છા પાઠવું છું.”ઉલ્લેખનીય છે કે રામ રથયાત્રા ૨૫ સપ્ટેમ્બર, ૧૯૯૦ ના રોજ ગુજરાતના સોમનાથથી શરૂ થઈને અયોધ્યા પહોંચવાની હતી, પરંતુ બિહારના તત્કાલીન મુખ્યમંત્રી લાલુ પ્રસાદ યાદવે તેને અટકાવી દીધી હતી અને અડવાણીની ધરપકડ કરવામાં આવી હતી. બે વર્ષ પછી, ૬ ડિસેમ્બર, ૧૯૯૨ ના રોજ, અયોધ્યામાં બાબરી મસ્જીદ તોડી પાડવામાં આવી હતી.
